Kelly Online：飛台灣「飛三送一」　九月前入境台灣三次即可申請

假期唔多但又想去旅行唞下山氣，唔少人都會揀去台灣，地方唔遠幾方便。台灣觀光局駐香港辦事處宣佈舉辦「 飛三送一 」送機票活動，持特區護照或BNO或擁有港澳居民身份證嘅港澳居民（非台灣籍）可參加今次活動，送出5000張機票(未連稅)，申請期由2017年4月10日起至2017年9月29日。 旅客只要持特區護照或BNO或擁有港澳居民身份證，於2017年1月1日至8月31日期間入境台灣三次或以上即可申請。同一人最多可兌換三次，唯兌換第二次及第三次時，每次需備齊八張，即四次來回嘅登機證。