Kelly Online：青瓜減肥排毒抗衰老　有助迎接炎夏

夏天好快就到，想著件小背心出街但又唔想肥肉阻住晒，食青瓜或者會幫到手，因為係一種可以美容嘅瓜菜，有豐富蛋白質、糖類、維生素B2、維C、維E、鈣、磷、鐵等營養成分，為我們嘅皮膚、身體提供所需。 青瓜亦有除熱、利水利尿、清熱解毒功效，主治煩渴、咽喉腫痛、火燙傷、仲有大家最鍾意嘅減肥功效。唔單上咁，佢仲可以對抗皮膚老化，減少皺紋產生，女士們仲唔食多啲青瓜!? 青瓜三大功效 1.排毒、防便秘 佢有細纖維素，可以促進腸蠕動排宿便，所以覺得自己肥嘅朋友就可以食多啲啦；另外青瓜仲可以「清除」體內垃圾，防止腎結石。 2.護腎、緩解疼痛 青瓜汁對治療牙齦疾病有益，成日食可以令口氣清新，仲可以降低體內尿酸水平，保護腎臟，緩解關節炎和痛風帶嚟嘅疼痛。 3.美容護膚、減肥 青瓜可以為皮膚提供充足養分，抗皮膚衰老，促進身體新陳代謝、血液循環，增強皮膚氧化作用，有美容功效。