胡杏兒減產努力「造人」　袁偉豪力Keep身形吸引異性

胡杏兒、袁偉豪為服裝專門店擔任剪綵嘉賓，杏兒表示演出的《那年花開月正圓》剛煞科，暫不拍劇，會努力「造人」。她透露已計劃出埠旅行，但不會公開比堅尼照，只留給自己看，因現時身形不夠弗，婚後雖與老公一起長胖，但不會變「師奶」。積極調理身子的杏兒指體重增了數磅，希望快點可以報喜。問想生多少個B？杏兒稱：「想生多幾個，盡力而為，我年紀都唔細，亦鍾意組織大家庭。」 袁偉豪稱最喜歡品牌推出的泳褲，問是否要騷肌吸引囡囡？他說：「唔係，係想著得靚，選港男那時都有著細泳褲，現在很少，除非曬太陽，如曬燈就要赤裸。（用甚麼吸引異性？）未諗到。（性格？）當然要，不過唔係個個都欣賞我的藝術家脾氣，唔一定用外表去吸引人，但呢個都係重要一環，所以都要keep住身形。」