個唱頭場招待歌迷　容祖兒「犯規」High爆Po自拍相

容祖兒14場的Side Track演唱會明晚正式開鑼，頭行炒價一度升至$9500，人人爭住入場睇騷。不過祖兒歌迷會成員有福了，昨晚率先開首場演唱會招待歌迷。 忍不住分享開心時刻的祖兒，搞笑指「走法律罅」，明知大會已告誡不能率先曝光舞台設計，她即換個角度，在台上與台下歌迷玩自拍。祖兒留言：「今晚頭場，歌迷會包場，大家high high high！首首sidetrack 我問你地（哋）飽唔飽？不過又真係可以首首大合唱！集（楝）篤笑同演唱會於一身，笑爆肚！大家好錫我，個個揸住花花電筒，我差點以為自己係GD唔GD！大會話暫時不要po台面嘢，咁台下觀眾po得啦卦（掛）無犯規掛」。 有份睇騷的歌迷留言糾正是「星星電筒」，兼且大讚「有祖祖女神，大家high 到爆」、「你好叻呀，唱足三個鐘，完全無忘詞，傾力演出」「超勁歌詞機！」