探訪眼淺匿埋喊　譚詠麟暫不打攪華仔

譚詠麟（校長）出席紅十字會活動，對於被建議到貧困地區執石仔時，校長表示可從中學習，並指曾與林嘉欣到甘蕭等地區進行探訪，不過看到淒慘的情況都會忍不住眼淺，又自言和曾志偉、陳百祥也是眼淺之人，但志偉會在大庭廣眾面前喊，自己則會匿埋一角。 談到墮馬受傷的劉德華已出院在家休養，校長表示專輯收錄了與劉德華合唱的《簡單是福》，對方很也喜歡這首歌。校長說：「本來佢諗住再入錄音室錄好啲，但依家無可能，所以將啲和音位同歌詞作調動，佢親自填詞寫得好好。（華仔能否做簡單文書工作？）我真係唔知，醫生話要休息好耐，我唔去探佢住，等佢休息下先。」