《東張西望》變宣傳易？　竟然明碼實價Sell平價篋

植入式廣告、硬銷廣告好多時都會引起觀眾反感，於合家歡時段播放的《東張西望》，曾因為力谷TVB的收費網絡電視，收到多宗投訴，鬧爆節目形同賣廣告，同時影響節目質素。 昨晚播出的《東張西望》，亦突然變身宣傳易、廣告雜誌，無端為樓上舖Sell篋。話說主播陳貝兒、林溥來（Patrick Sir），討論復活節是外遊的好時機，介紹觀眾可到某一間樓上舖買平價篋，物色實惠之選。 節目中，明碼實價標明日本品牌等的名牌篋，有三至四折，例如「原價$1289，減價後只售$499。」一次過介紹8款篋有幾平，唔講以為自己睇緊廣告。雖則尾段有舖頭老闆分析不同種類的篋有何利弊，亦冇開過舖頭名，但前段曲線為樓上舖賣廣告，已經感覺突兀，扣晒分啦。