許生許太拍拖亂入表參道　鄭秀文：100%瘀皮事件

許太鄭秀文（Sammi）日前剛去了東京一趟，於社交平台貼美食圖日本街頭照，留言：「每年事在必行，去東京入貨。」但絕口不提跟許生許志安同行。 然而，搞笑是Sammi當日都將在街頭看到一眾女模遊街宣傳餅乾品牌的短片放上網，但原來當時正在拍攝廣告中，八卦拍人的Sammi亂入廣告內，仲要在她身旁的老公許志安都上埋鏡，這樣一來，當廣告片於本月2日播出街，愈來愈多人看到並發現後，都來Sammi上載該片的帖文留言，爆笑一番！ 網民仲留言：「Mi同安仔亂入表參道oreo宣傳片」、「有睇 Sammi 嘅 IG 都知道佢最近放假去咗日本，嗱，唔知係咪放假心情放鬆晒，Sammi 有日經過表參道，見到有人拍片冇走開不特止，仲行到鬼咁近咁一齊拍，結果？咪就係宣傳片入面搵到八卦 Mi 同老公安仔囉」、「笑了。。其實你兩公婆係咪收左人地廣告費？？」、「我也是看完廣告來留言! 」、「 難得機會許氏伉儷一齊拍廣告」。 Sammi今早都自己放廣告截圖同留言自爆瘀事：「100%瘀皮事件。（火羅）爆！好明顯mi係八卦d嗰個囉！（其實係對世界保持好奇啫，係好事啊！）話時話，oreo係咪應該send d餅我試食，因為我確係勁中意食餅乾！尤其脆卜卜嘅口感。我估我有一日會食玻璃，貪佢可能好夠脆。」不過正如網民說：「都唔係好瘀皮啫，係開心事！你睇你地帶俾我地幾多歡樂」，正面睇又啱喎！亦有留言「最正有埋許生」，真係畀錢請都未必請到呀！