《請勿關燈》唔及《奇幻潮》心寒　網民：少咗啲人生道理

驚悚、懸疑、恐佈題材的節目，令人又要驚又要睇。數到為人熟悉的代表作，日本的《世界奇妙物語》、無綫70、80年代的《幻海奇情》、唔少90後都睇過的《奇幻潮》，絕對係睇到人心寒，兼且故事通常帶出背後意義，正正是吸引人之處。 繼《奇幻潮》、以及2014年由羅蘭姐主持的《區區有鬼故》後，無綫再推出新一輯的詭異節目《請勿關燈》，探索不可思議的異度空間。網民都話甚有當年《奇幻潮》的感覺，將主持人由鄭伊健換成張頴康，同樣在節目播出驚悚故事。 回想當年《幻海奇情》的詭異故事「四人歸西」；《奇幻潮》的「情比金堅」，睇完都覺驚。播放中的《請勿關燈》，網民都照樣有讚有彈，節目包括藝人分享靈異經歷環節，有網民指熟口熟面似翻炒舊鬼故。不過播出的驚悚故事，畫面及氣氛都營造得有恐怖感，令人起晒雞皮，可惜相比《奇幻潮》，故事始終欠缺人生道理。 仲有一個不同之處，當年《奇幻潮》搵唔少英皇及無綫的小生花旦演出，不過《請勿關燈》播出的鬼故事片段，是屬於內地網劇《慎點》，其點擊率過億，故片中的演員並非大家熟悉的面孔。