【特首選戰】林鄭老公評太太 ﹕佢唔係好打得

特首候選人林鄭月娥一直有「好打得」稱號，但她的丈夫林兆波則對傳媒表示，「佢其實唔係好打得，佢係好做得，好捱得。呢個其實應該係一些舊同事、舊上司過分褒獎佢啦。」 林太在提名階段取得580提名票，外界都視她「篤定當選」，但林兆波就話，「唔敢咁講，選舉嘅嘢變化莫測，我會鼓勵佢繼續努力，爭取多啲不同光譜選委嘅支持，盡量做啦。」 他又鼓勵妻子要盡一切力量，為香港做事。 對於有報章指林兆波被傳有紅顏知己，他「唉」一聲歎了一口氣，隨即說：「完全無呢回事，我同太太感情非常之好。」他相信之所以有這類閒言，是因為他有一段長時間不在香港，到英國照顧在當地寄宿的兒子，「我哋唔想將家人的責任交給其他人，所以暫時分開兩地。」但他強調隻身在英國期間，「從來未做過對唔住林太嘅事」。 被問及他為何缺席林太的參選分享會，林兆波解釋是因為自己性格比較低調，「我好怕見到一大班人」，不喜歡拋頭露面，「講嘢窒口窒舌，不善於面對公眾，所以盡量將自己收埋，佢(指林太)又理解。」他又指自己「唔鍾意剃鬚，儀容又唔係執得好正，呢啲場合其他人都着得好光鮮……費事獻醜啦。」 他指未來這段日子，都會留在香港支持太太，「我已經無再安排到北京教書，海外亦都無物業，我會留喺香港支持佢。」他又說，林太最近晚上少了應酬，兩人反而可以晚晚一齊食飯。 其他行政長官候選人還有曾俊華及胡國興。