【特首選戰】倡設特首政治顧問　曾俊華：可以考慮

特首候選人曾俊華出席民主黨前主席劉慧卿主持的網台節目，會後被問到會否支持「香港願景」曾鈺成提出設立由中央委派的特首政治顧問，曾俊華表示建議「其實係復古嚟㗎啫......以前英國喺殖民地時代都做過咁嘅嘢」，但他指建議「有趣」和「會考慮」，而有關建議剛剛提出，他不清楚詳情。 被問到設中央委派的政治顧問會否將中央干預香港事務常規化，曾俊華回應指要看政治顧問的具體角色，昔日回歸前港督的政治顧問「個角色都係好清楚」。有指政治顧問或成中央在港的「欽差大臣」或「太上皇」，曾俊華指「舊時我哋嘅PA（political advisor）係一個港督同倫敦whitehall嗰度一個接觸嘅渠道，如果個功能係咁樣，係可以考慮」。 他其後指以往港督政治顧問多是由英國外交部委派。被問到有中聯辦是否還未足夠，他指中聯辦只是聯絡機構，專做聯絡工作，設立政治顧問亦是一個很好的渠道。 曾俊華在節目中表示，過去政府在委任諮詢架構時側重了個別聲音，「唔係就能力同才幹」委任，一旦當選，會將泛民納入管治班底，他會因根據有關人士對社會的認知、獲社會的支持以及其能力而決定是否邀請加入班底。 被問到對中央疑欽點特首人選，甚至打壓他和葉劉淑儀，他會否說一句公道說話，曾俊華強調要公道一點，目前「無證據，講唔到」，而且「有好多嘢公開講唔到......政治上有啲嘢唔係公開做，你都係想要個效果啫」。