【奧斯卡】頒錯最佳電影！　《星聲》全員落台　得主係《月亮喜歡藍》

《第89屆奧斯卡》頒「最佳電影」擺烏龍，真正得主係爆冷的《月亮喜歡藍》。但宣佈得獎名單時，竟頒給《星聲夢裡人》，全員上晒台又喊又笑仲講緊感言。點知突然叫停，發現頒錯獎。 當時，《星聲夢裡人》全員上台領獎，但台下突然爆出「其實係《月亮喜歡藍》，我唔係講笑。」原來頒獎嘉賓華倫比提烏龍攞錯「最佳女主角」的信封，不過佢頒獎時，明明面有難色，仲隊個信封畀拍檔Faye Dunaway宣佈，兩位傻更更，齊齊冇睇清楚。事後華倫比提試圖解釋：「上面寫住Emma Stone、《星聲夢裡人》，覺得奇怪先望咗咁耐至頒獎，我唔係想搞笑。」而叫停一刻，《星聲》監製已在台上講完一輪感言，相當尷尬。《月》片導演亦沒有足夠時間發表得獎感受。