毀童年系列？　台版《櫻桃小丸子》成班超齡小學生

陪伴唔少人長大的日本經典卡通《櫻桃小丸子》，係日本國民動畫，曾翻拍過小丸子真人版，飾演小丸子及「3年4班同學」的童星都精靈可愛。台灣去年2月同樣翻拍真人版，但竟然唔係搵小朋友主演，而去搵成班大人飾演小學生，究竟係咩玩法？ 近日台版小丸子預告片曝光，汪東城出演花輪、小丸子由新人林芯蕾飾演；打入台灣市場的松岡李那扮演野口，就連「日本通」王友良都有份拍攝，演大野一角。小丸子姐姐由魏蔓出演，小玉是曾允柔；小丸子「3年4班同學」中的豬太郎、藤木、永澤、丸尾、濱治等角色，通通冇走雞，由大人賣萌扮可愛。 選角方面，網民有讚有彈，見住咁多位超齡小學生，網民大呼「毀童年」、「小丸子好老」。不過爺爺角色由顧寶明飾演，網民就讚好相似，係「神還原」。其實套劇由原作者決定選角，大人扮細路，實在係新穎的背景設定。