上月受訪稱珍惜身邊人　吳婉芳：可能有日瞓醒佢已經冇得激你

胡家驊前日猝逝，吳婉芳喪夫當然傷心欲絕，上月底她作客老友梁佩瑚網台節目《佩瑚密語》訪問，講家庭講教仔講佛學，她說以前好執著，每日都食同樣的食物，規定自己很多生活習慣，連老公都問她：「點解你咁奇怪嘅？」 到節目尾聲，吳婉芳直言自覺現在好幸福，她指若知足就一定會幸福，所以每個人都要知足常樂，及最緊要健康。她說：「健康，你真係唔知道隨時呢刻，就算呢一刻我同你講緊嘢，可能下一刻我已經走咗。人就係無常。你真係要珍惜每一刻，邊個喺你側邊。就算嗰個人激你嘅，咁佢都仲激緊你。可能有一日瞓醒，佢已經冇得激你，咁你就會：『唉，唔該你激我啦！』所以我覺得，好與唔好，都應該珍惜，都係一個生活體驗，一個人成長需要面對嘅嘢。」