黎明騷C1區觀眾投訴視線被擋　A1A2區全程睇Mon

黎明昨晚的「企鵝」演唱會完騷後，其所屬公司AMusic官方臉書貼圖文說多謝各位支持，不過，不少粉絲就貼圖文投訴，其中C1區的觀眾說：「唔該製作單位交代下，點解製舊野（嘢）block左成個台？有視察過都會發現有問題啦！仲有啲音響仲差過人地（哋）街邊賣唱啲喇叭，睇又睇唔到聲又聽唔到，成晚都唔知企喺度做乜，我未試過聽Leon concert會想中途離場」，其他C1觀眾都有同樣投訴。 C1連台都望唔到，當然黎明拋企鵝公仔該區觀眾都不會有份，但連A1同A2都投訴沒企鵝外，更留言只見黎明在他們面前一次，其餘就全程睇Mon；另有C2同D區的觀眾留言睇到清楚，也是黎明派得最多企鵝的兩區。