演唱會8點半開場　黎明閃伶登場：唔凍呀可？

黎明《Leon's Penguins in Live香港演唱會》在天文台公佈13度寒冷天氣下於中環海濱戶外舉行，於上晚上8時半由雷頌德開咪講演唱會開始，舞台兩邊大屏幕播雪地企鵝片段，伸展舞台中央都有大屏幕，Leon戴閃燈皇冠帽配閃衫出場，與衣著繽紛的舞蹈員大跳大唱《一比一》，舞台又大放煙花，粉絲尖叫。 Leon唱《你係我嘅》與舞蹈員玩啦啦球大搞氣氛，唱完第三首《兩位一體》，Leon同大家傾偈講吓金句：「Hi！大家好，唔凍呀可？過往不同日子不同地方開騷大家坐好耐，今晚難得應承企，多謝大家，後面朋友唔使擔心，我會好快速，間歇性跑過來，間歇可快可慢。」粉絲發覺他剪了髮，他直認：「係呀，剪短精神咗。」然後唱《我這樣愛你》。（攝影：譚志光）