唔知同袁偉豪有冇過電　胡定欣幫拖李施嬅：撥行佢？

胡定欣、雨僑及胡琳擔任化妝品品牌開幕嘉賓，提到李施嬅被指借胡定欣過橋力追袁偉豪，同是「胡說八道會」姊妹的胡定欣興奮地說：「等你問好耐喇！我要代李施嬅同大家講，佢最愛嘅人係我啊！」胡定欣一早與袁偉豪、陳山聰等人組成「Crazyrunner」，李施嬅亦加入玩埋一堆，胡定欣指「胡說八道」跟「Crazyrunner」已經不可分割，報道更成為眾成員的笑話。 問到戀情可會成真，更加一家親？胡定欣笑說：「唔會啦，大家太好朋友啦！（唔過電？）唔知喎！識咗咁耐，要發生都發生咗。使唔使我幫手撥行佢？」提到報道又暗指李施嬅介入袁偉豪與前女友岑杏賢的戀情，問到定欣可會為好姊妹澄清？她說：「唔需要澄清，咁不實嘅報道。」 另外，雨僑將會跟黃子華合作拍電影，她直言黃子華是男神，以往黃子華搞的棟篤笑，她會買貴飛支持。問到跟黃子華是否多對手戲？雨僑坦言跟黃子華做對手戲時，忍不住笑而NG。她笑說：「我有方法，之前同鄭中基拍戲，學識咬脷忍笑。」