【特首選戰】李嘉誠重申不會提名任何人　強調一定會投票

長和主席李嘉誠出席「汕頭大學海洋划艇隊完成創舉」登岸儀式時表示，他早在林鄭月娥宣布參選前，已公開表明不會提名任何人，而各大參選人「都係我熟朋友，包括胡官，包括葉劉.... 但我一定會投票」。 被問到為何不提名，李嘉誠解釋「提名你就得罪任何邊個」，「我投票投邊個無人會知，亦都唔會公開」。他又指選擇支持人選有兩大原則，一是「好好落實一國兩制」，二是「好好依法治港」，目前四大參選人「我估計佢哋係做得到，落實做到《基本法》，貫徹香港法治」，「香港不能有選擇性行動」。 被問到是否怕「落錯注」，李嘉誠表示「上次....兩個禮拜前我已經知道唐生選唔到，但我有個原則，我老早應承咗....所以我呢次就堅定唔提名」。至於上屆為何提名，李嘉誠稱「上屆係兩個人，而我老早....有關的人都係話提名唐生（唐英年），後尾先至梁生（梁振英）出嚟」。 至於未來投票意向，李嘉誠又表示「今日禮拜日我慢慢去刨佢政綱」。而林鄭月娥獲李澤鉅提名，李笑指「Victor（李澤鉅）同Richard（李澤楷）都過咗50歲呀，佢有佢自己的主意，係應該的」。 李不願透露有否被人大委員長張德江要求支持林鄭月娥，只稱「呢個我私人行動，我唔講」。