T.O.P全黑包到冚入伍　粉絲舉機影相要人開路

韓國天團BigBang老大T.O.P今日正式入伍當義務警察，昨晚他上載剃平頭相，更自言平頭Look似《星空奇遇記》的冼樸，好兄弟G-Dragon則挨在T.O.P膊頭勁唔捨得T.O.P去當兵。 始終要面對現實，T.O.P今日低調入伍，有粉絲一早到達訓練場外望T.O.P最後一眼。有眼利粉絲好快就認出T.O.P，見佢戴黑色冷帽遮樣，身穿厚褸及孭起大背囊，全黑打扮報到。有粉絲湧上前一路跟隨住T.O.P，又舉機拍片，T.O.P一於少理繼續行，同行有人幫手開路，叫粉絲借開。