明日入伍　T.O.P騰雲駕霧食煙：Good bye Seoul

韓國天團BigBang老大T.O.P明日入伍做義務警察，想再見BigBang五子合體演出就要等兩年後。日前T.O.P講過太掛住隊友，決定不告而別，搞到G-Dragon同太陽紛紛求見面。 T.O.P倒數十幾粒鐘就去當兵，熱愛玩Instagram的他Keep住有更新，原來昨日他已搞告別派對，有鮮花又有蛋糕，蛋糕上面仲有警察造型的公仔作裝飾。今日T.O.P又有乜做？見佢上載美食相，睇嚟都係擦返餐「最後晚餐」，仲晒埋騰雲駕霧食煙相，同大家講聲「Good bye Seoul.」粉絲清一色洗板留言「等你回來」，掛死粉絲啦。