Kelly Online : 《蘋果》網上版無品　無理抺黑星島

臨近年尾，企業都分發花紅。星島集團今年宣布發放定額花紅每人三千元，呢個數字比起往年減少，不過去年經濟放緩同媒體競爭白熱化，在有限資源下已採取咗「不患寡而患不均」嘅做法，爭取多照顧基層同事。不過《蘋果日報》網上版就引述不記名嘅「星島員工」，整咗段「星島花紅人人3000蚊 員工：遲啲會唔會連廁紙都冇」嘅報導，無理抹黑同業。 《蘋果》做嘢一向是是但但，呢段涉及行家嘅料一樣錯漏百出，而且無向當事人求証，究竟係有員工咁講抑或作嘢無人知。 《蘋果》唱人唱得咁無品，壹傳媒集團連年虧損，業績江河日下之餘，不斷裁員止血。咁環境下，佢又係咪可以叫佢老闆而家派番兩個月花紅兼承諾永不裁員？抑或派番大卷廁紙當銀紙呢？