Kelly Online : 《苹果》网上版无品　无理抺黑星岛

临近年尾，企业都分发花红。星岛集团今年宣布发放定额花红每人三千元，呢个数字比起往年减少，不过去年经济放缓同媒体竞争白热化，在有限资源下已采取咗「不患寡而患不均」嘅做法，争取多照顾基层同事。不过《苹果日报》网上版就引述不记名嘅「星岛员工」，整咗段「星岛花红人人3000蚊 员工：迟啲会唔会连厕纸都冇」嘅报导，无理抹黑同业。 《苹果》做嘢一向是是但但，呢段涉及行家嘅料一样错漏百出，而且无向当事人求证，究竟系有员工咁讲抑或作嘢无人知。 《苹果》唱人唱得咁无品，壹传媒集团连年亏损，业绩江河日下之馀，不断裁员止血。咁环境下，佢又系咪可以叫佢老板而家派番两个月花红兼承诺永不裁员？抑或派番大卷厕纸当银纸呢？