阿Sa睇BigBang騷見暈　提早孖馬天佑搭小巴閃人

韓國天團BigBang今晚在啟德郵輪碼頭開戶外騷，身為BigBang粉絲的蔡卓妍（阿Sa）都有去朝聖，佢坐專車入場，唔洗排隊排餐死。 不過阿Sa捱住病都去睇騷，仲自爆爭啲暈低兼早走，佢喺社交平台留言：「有史以嚟睇得最辛苦嘅一埸演唱會....今日本身自己有啲唔舒服...頭先睇睇吓show爭啲暈低....唯有早走....行咗好遠終於搵到小巴....但都等咗一陣先至有車...見到隔離等的士嗰啲人就慘喇....半個鐘都冇一架的士....唔知而（依）家散咗場有冇多番（返）啲車呢？#最難忘睇演唱會經歷 #bigbang #阿TOP好靚仔」 最後阿Sa與同行好友馬天佑齊齊搭小巴閃人，不過阿Sa下次咪制啦，暈低咗實擔心死粉絲。