青衣小食亭控小學阻做生意 指陸運會派老師鋪前巡邏攔截：「零售業好難做，真係會死㗎！」 涉事學校：日後與各持份者溝通免誤會｜Juicy叮

青衣運動場的小食亭店主，在網上發長帖控訴葵青區一間小學阻做生意，他指斥該校在場內辦陸運會，派老師在鋪前「巡嚟巡去」，再用「情緒勒索既方式」阻止學生及家長光顧。

店主在帖文中批評：「依家零售業好難做，阻人做生意真係會死㗎！」並警告校方若明年再「係我門口面前阻Ｘ住我啲客畀錢」，他會報警處理。

涉事的基督教香港信義會葵盛信義學校於周一（24日）晚上發表新聞稿，表示日後學校舉辦同類活動將按需要與各持份者及相關部門協調溝通，避免誤會發生。康文署發言人表示，已經收悉青衣運動場小食亭許可證持有人的意見，並積極跟進以便日後進一步協調相關事宜。

教育局發言人回覆《星島頭條》表示，教育局得悉事件後，已即時向有關學校了解情況，並轉達相關意見。據悉，學校按校本情況作相關安排。教育局已提醒學校應與各持份者及相關部門就有關事宜保持溝通及作所需協調。教育局會繼續與學校保持聯繫，提供適切意見及支援。

有關事件詳情如下：

青衣小食亭控小學阻做生意 指陸運會派老師鋪前巡邏攔截：「零售業好難做，真係會死㗎！」 ↓↓↓↓

 

該青衣運動場小食亭店主昨日（23日）在社交平台Threads發表約7百多字的帖文，對葵青一間小學提出大控訴。帖文以「致 某葵青區小學陳老師」為上款，店主指，上周四（20日）該校在青衣運動場辦陸運會，該陳老師當日「阻住我做生意」。

店主在帖文中表示，小食亭是應康文署要求，每逢場地有活動，都要開門營業，「不過你哋學校唔畀小朋友買啦，我咪做家長生意囉。」

他指，若校方不想家長及學生在陸運會期間光顧，「可以用條鏈鎖住佢地係看台，咁佢地就唔會出到黎小賣部買嘢，記得鎖埋啲家長喎。」

同場加映：石硤尾小學生球場老積食煙 多人共享一枝煙 涉事小學發200字聲明：將提供適當支援教導：↓↓↓↓

石硤尾小學生球場老積食煙 多人共享一枝煙 涉事小學發200字聲明：將提供適當支援教導

有網民在社交平台發布一段短片，顯示在晚上一個公眾籃球場內

有數名小童在打籃球，其中一人穿著校服。

有一名「陸軍裝」小童拿著一枝香煙

他遞給一名穿著校服的小童

該小童吸食了一口

之後遞回給該「陸軍裝」小童

「陸軍裝」小童再吸了一口

然後走到該校服小童前，再次遞上香煙

校服小童丟下手上籃球，接過香煙

他走到籃球場一邊食煙，吸食了一口後

之後將煙丟在地上用腳踩熄。

小童食煙，與及吸食和踩熄煙的手勢老練，令不少網民感震驚及關注，紛紛促請有關方面正視跟進。

涉事小學就事件發表聲明，聲明表示，校方於1月24日收到市民的電郵查詢，提及該校學生在公眾籃球場的不當行為，並且有網民將相關片段上載至社交平台。

聲明表示：「校方對學生的品行一直極為重視，

在知悉事件後，已根據校本訓育機制立即展開調查，並為相關學生提供適當的支援和教導，同時與家長保持密切聯繫。」

聲明又指：「感謝各界的關注，本校將視是次事件為進一步培餐學生正確價值觀及促進他們健康成長的契機。」

 

 

老師被指情緒勒索：要諗吓同學嘅感受...

店主批評，當小朋友或家長光顧「畀錢果刻」，該校老師就用「情緒勒索」的方式「阻止佢哋買嘢」。

店主附有現場實拍影片，聽到有老師向光顧學生表示：「要諗吓同學嘅感受......同埋今日係運動會定大食會？運動會？！咁你係嚟食嘢，定睇同學比賽？......」鏡頭看到之後兩名小學生隨老師走開。

被要求別阻做生意 老師：係呀係呀係啊呀

店主其後再公開另一段片，看到有學生遞交食物給店員時，被老師阻止，老師不斷問該學生：「邊嗰老師畀你買？」學生回覆：「係媽媽畀。」店員要求該老師：「唔好阻住我做生意。」該老師竟回覆：「係呀係呀係啊呀。」店主在帖文中說：「邊個挑釁邊個？係呀係呀係呀。」

店主質疑：「其實乜嘢叫做『你買咗，但隔嚟個同學仔無得買，你諗下隔嚟同學仔既感受喎』？」店主反問：「即係我鋪頭買既嘢係好食啲，然後會令到佢身邊啲同學仔感到難受？」他又質疑校方有無確保所有學生帶足夠的零食和飲品。店主又批評校方持雙重標準，「解你唔畀佢哋嚟我鋪頭買嘢，但畀佢哋用樓下既自動售賣機買嘢既？」他反問，買自動售買機的同學，「係咪就唔使諗隔嚟同學仔感受？」

店主：食嘢飲嘢同陸運會睇比賽有咩關係

店主在帖文中指出，「食嘢飲嘢同陸運會睇比賽有咩關係」，「你平時係唔會一路食飯，一路用電話或者睇電視？」店主表示：「明白小朋友仲細，佢地購買決策能力比較弱」，但強調：「其實我地宗旨都係想服務市民大眾，依家生意真係非常難做......」

他又抱歉當時罵了該校兩名阻其做生意的老師，「唔好意思，當時激動咗，你知啦，依家零售業好難做，阻人做生意真係會死㗎。」店主又警告：「你下年再咁樣係我門口面前阻Ｘ住我啲客畀錢呢，我就真係報警㗎啦。」最後他又表示，當日在該校老師阻撓下，以為「一千蚊生意都無」，「但最後居然有千三(蚊生意)」。

涉事小學：日後將與各持份者及相關部門協調溝通免誤會

涉事的基督教香港信義會葵盛信義學校於周一（24日）晚上發表新聞稿，表示學校在本月（2月）20日於青衣運動場舉行校運會，屬學生的學習活動日。當天大部分學生都有參與運動比賽，學校亦安排老師於運動場內看守秩序。

學校一直以來教導學生要注重健康飲食，以建立學生健康的生活方式。當日學生已訂購午餐，亦有家長在小食亭購買食物及進食。學校沒有就相關安排收到家長投訴。

學校一向重視禮貌的培育，同時著重教師的言行，學校會就事件作進一步了解，並按需要作相關跟進。日後學校舉辦同類活動將按需要與各持份者及相關部門協調溝通，避免誤會發生。

康文署：已收悉青衣小食亭意見 積極跟進

康文署發言人表示，一般而言，運動場小食亭許可證持有人須按照有關許可證內所訂明的條款營運小食亭業務，包括其開放時間，此舉主要是確保場地使用者可購買簡單的食物享用。

根據《康樂及文化事務署運動場使用條件》，租用人必須於使用運動場前聯絡運動場的主管人員，以便作出必要安排，例如運動會所需器材、場地音響及典禮安排等。就提及的個案，康文署事前並未收到學校方面的通知，不會使用小食亭的安排。為此，本署日後會加強溝通，請租用團體按其實際需要預先通知本署其活動安排，包括活動當日其學生可否在小食亭購買食物，以便本署通知小食亭許可證持有人，調整其業務安排。

康文署已經收悉青衣運動場小食亭許可證持有人的意見，並積極跟進以便日後進一步協調相關事宜。

網民反應兩極 店主：開咗又唔畀買 真係成頭問號

帖文引發熱烈迴響，反應兩極：「店主嘅角度係需要開店，但有人阻你營住你賺錢。但在於學校，學生同家長嘅角度，運動會係一個轉換咗場地嘅學習活動，有啲規矩同秩序都係要遵守。」「吓......陸運會呢啲都要管，咁去秋季旅行點樣管？去海洋公園係餐廳守住？」「以前小學嗰陣都係咁，兩個老師守住小賣部兩邊，結果明明有開舖但係冇人買到嘢。」

有網民問：「有啲小學真係唔比學生去小賣部買野 （唔知點解），但會唔會事前有機會可以同康文署溝通下？定係規定必須要有小賣部開放？」店主回覆表示：「合約規定一定要開，唔開又比康文署屌做咩唔開，但開左又唔比買無生意，我都真係成頭問號。」

同場加映：5小學生港鐵圍坐打啤牌 目擊者：成班靚仔不知幾陶醉：↓↓↓↓

5小學生港鐵圍坐打啤牌 目擊者：成班靚仔不知幾陶醉

有網民在社交平台發帖表示：「今日睇到新聞話要資助啲學校，而家連小學生都搞成咁，唉，仲好意思收資助。」

帖文附有照片，看5名身穿校服小學生，在車廂近車門位置，席地而坐

他們圍成一圈，正聚精會神地打啤牌，他們身旁有其他乘客站著。

目擊網民在回應網民查詢時表示，該批小學生正在「鋤D」（鋤大弟）

他「都唔知佢讀邊間學校」，但是個人覺得「年紀太細攞副啤牌出嚟唔係咁好，真係有啲核突」。

不少網民指出，樓主及相片均未有任何證據顯示，這批小學生打啤牌涉及賭博，「如果冇賭錢嘅話又有咩問題呢？」「唔使大驚小怪，可能係橋牌組？」

樓主則回應指：「一，阻住通道；二，着住校服；三，着住校服影響形象。」

「呢個係團體活動影響車廂秩序。」「佢而家五個小朋友，阻住通道，影響他人出入，已經唔合格。」

部分網民認同樓主指，該批學生著校服在公共地方席地而坐，阻礙其他乘客，須要教育。

不過，有網民仍覺得樓主小題大做：「關你咩事？」「除咗地方唔適合，阻到人，其實無乜嘢。」

樓主則說：「影響他人，影響自己學校聲譽形象破壞，呢啲就關我事。」

樓主又再重申：「唔知佢哋係乜嘢學校，亦唔知佢哋係乜嘢人，但係呢種態度，同着住校服確係唔適合，仲要係四五年班，感覺可惡。」

有網民批評樓主是極端「道德主義者」，樓主回應說：「呢啲行為實屬錯誤，就係好多人去維護呢啲小朋友，搞到道德淪亡。」

有網民問既然樓主不滿，為何現場未有加以阻止

樓主說：「我唔想俾人開年，跟住我話佢，佢哋成班就會鬧我，跟住就俾人拍片，做錯嘢係佢，唔係我，我梗係唔出聲，佢哋成班靚仔不知幾陶醉。」