蔡一智60歲生日影帝影后到賀星光熠熠！古天樂為壽星破例做一事阿Sa：六歲就見過佢

2025-01-05 20:30

草蜢成員蔡一智於前日（3日）正式「登六」度過60歲生日，於圈中一向人緣極佳的他，就豪搞盛大生日派對，出席巨星包括古天樂、古巨基、張智霖、袁詠儀、容祖兒、蔡卓妍、周勵淇、關智斌等等，可謂星光熠熠！

蔡一智「登六」群星到賀

去到60歲大壽，蔡一智決定「搞大佢」，辦一個令人難忘的生日會，他和家人都盛妝打扮出席。蔡一智於IG中更新現場圖片，只見他和眾多紅星老友一齊打扮靚靚影相留念之外，他還大唱卡拉OK，開心得手舞足蹈、台型十足，一點也不像已經「登六」。

蔡一智60歲生日會星光熠熠：

蔡一智一向係熱愛家庭，往年生日都係同家人度過。

蔡一智生日唔係次次都咁熱鬧。

蔡一智與周雪芳成日靜雞雞慶祝。

蔡一智女兒蔡斐嵐已經18歲。

蔡一智早前送女兒蔡斐嵐到外地升學，依依不捨。

蔡一智兒子 First Choy於2012年出世。

First Choy遺傳爸爸蔡一智一頭厚髮。

但今年係蔡一智60歲大壽，梗係搞大佢，現場真係好墟冚。

蔡一智嘅囝囝（右）已經好大個仔！

「登六」生日會現場星光熠熠。

「登六」生日會現場星光熠熠，容祖兒亦在現場。

「登六」生日會現場星光熠熠，容祖兒、蔡卓妍在現場。

「登六」生日會現場星光熠熠，眾星和蔡一智玩得盡興。

容祖兒、蔡卓妍、關智斌賀壽。

一班明星玩得好開心。

張智霖夫婦到賀。

袁詠儀同蔡一智好熟。

張智霖打扮得勁靚仔到場。

張智霖夫婦送香吻。

袁詠儀狀態極佳。

袁詠儀與蔡一智太太。

袁詠儀狀態極佳。

兄弟生日，蘇志威點可以唔喺度？

眾星精神奕奕。

容祖兒同蔡卓妍都好High。

蔡卓妍六歲就見過蔡一智。

蔡卓妍同蔡一智細細個就見過。

一眾英皇歌手賀蔡一智。

古天樂好畀面，竟然肯派心！古巨基亦開心到攬住蔡卓妍。

現場群星到賀。

周勵淇亦有到場。

周勵淇同蔡一智面貼面。

咁多老友到賀，蔡一智肯定開心。

蔡一智於生日會大展歌喉。

現場所見眾星雲集，容祖兒、蔡卓妍都翹實蔡一智手臂影相，二人更作狀送出香吻，而周勵淇就和蔡一智攬攬拍照，場面非常熱鬧。張智霖和蔡一智一家非常稔熟，今次當然亦都來到現場賀壽；而古天樂、古巨基亦玩得開心，其中時常拒絕「派心」的古天樂，亦都有和壽星仔和一眾明星派心合照，而現場有3個蛋糕，其中一個有大型蔡一智公仔，頭頂着「60 CALVIN HAPPY BIRTHDAY」字樣，十分可愛。蔡一智弟弟、同屬草蜢成員的蔡一傑，目前仍然養病未有到場，而草蜢另一成員蘇志威則有到場。

蔡卓妍六歲就見過蔡一智

蔡卓妍全晚非常投入，她亦於IG中道出蔡一智如何結緣：「同阿智嘅緣份，係我六歲嘅時候，嗰陣時我老竇正職係一個設計師，副業就幫一間娛樂公司負責香港歌手海外登台。我第一次見到明星，就係草蜢同彭羚，因為太細個所以好多片段都唔記得喇。時間一轉就去到Twins第一個演唱會，我哋嗰陣時出道唔夠一年公司就幫我哋開演唱會，夾夾埋埋得六隻歌，咁公司就諗住搵啲勁嘅前輩歌手幫我哋撐場，其中一個就係草蜢！我諗住佢哋都唔會記得我啦，點知喺Rehearsal嘅時候，一嚟到見到我媽咪，就即刻同我媽咪打招呼話好耐冇見。嘩！過咁耐佢都仲記得，我媽咪即刻冧咗！」