80代TVB童星「招積仔」近況曝光！靠寸樣搵食做戲畀人睇 年過半百撞樣賈思樂堅拒復出
2025-01-05 13:22 
曾經在80年代的TVB劇集《封神榜》飾演童年版哪吒的童星徐國強，因為樣子生得「寸寸貢」而令人留有深刻印象，再加上經常飾演牙擦仔、百厭仔角色而被封為「招積仔」。
「招積仔」徐國強近年多次被「公開尋人」
淡出多年的「招積仔」徐國強近年多次被網民「公開尋人」， 早前又有網民在FB群組「舊相重溫」內貼上多張舊照並說：「記得呢個招積童星嘛？」不少網民加入討論行列，有人笑言：「專係做一個唔聽話嘅細路仔。」結果再度成功引出「招積仔」現身談近況。
相關閱讀：80年代童星「招積仔」激罕現身！年過半百寸樣依舊 網民：回憶返晒嚟
「招積仔」徐國強再度現身談近況：
徐國強長大後未有在娛圈發展
徐國強當年曾經拍過不少電視和電影，他曾經在《封神榜》和《香港81》與陳齊頌合作，兩人更飾演母子，亦曾在《歡樂今宵》演出趣劇。長大後徐國強未有在娛圈發展，現年52歲的他任職巴士車長，結婚十多年並育有三名女兒，一家人生活美滿。除了拍劇外，徐國強曾演出不少電影，當中包括譚詠麟和林青霞演出的《君子好逑》，戲中角色亦被網民討論，有人說：「記得佢。嘴寸寸咁吖嘛。電視台某啲角色好需要呢類人擔當。」
徐國強親回招積是拍戲導演教
其後徐國強現身親自回覆大家的疑問：「啱啱先睇到，好多謝各位仲記得我。拍戲都係成40年前啦，嗰陣屋企窮，好多兄弟姐妹，去拍戲搵錢，其實我從來冇當自己係咩童星。冇咩咁巴閉，招積係以前拍戲導演教，做做下真係會變成招積架，可能我個樣生得衰啦，畀人感覺我好寸，去拍戲只不過好似返工咁，不過係做戲畀人睇啫。」
相關閱讀：「Jacky 仔」王樹熹移居日本過新生活 返港探親po近照驚變日系美男
「Jacky仔」王樹熹近況：
相關閱讀：盤點10位五、六十年代童星近況！武打巨星9歲拍戲變影圈猛人 劇集歌女王做中醫
徐國強堅決不會復出拍戲
自小在南山邨長大的徐國強，今次與不少昔日的街坊相認，甚至好奇問會否講粗口，徐國強大方地逐一回覆說：「好多朋友講都冇錯，我唔會介意以前住徒置區，好多人都講粗口，聽慣講慣變咗生活一部份咁。其實我唔係咁招積既，都五十幾歲啦，人生過咗一大半，諗番起都幾十年前，喺度我祝各位新年快樂，身體健康，多謝各位體諒！」至於會否復出拍戲，徐國強決絕說：「唔啦。」
最新回應