佐敦道奪命車禍．天眼曝光｜寶馬「打保齡」連撞3途人 目擊者：好似炮彈咁嚇死人

今早（30日）10時許一輛寶馬私家車在佐敦道失事剷上行人路，撞倒2男1女途人，其中一名老翁昏迷，由救護車送往伊利沙伯醫院搶救後不治。現場閉路電視拍得事發一刻，寶馬猶如「打保齡」般撞飛3名途人，其中有傷者更整個人拋起飛彈到餐廳門口，場面震撼。目擊者形容現場傳來「嘭」一聲巨響，「好似炮彈咁嚇死人」，又指事後寶馬司機呆站路邊，「個人呆晒囉」，未有查看傷者情況。

「炮彈式」剷行人路 老翁慘被輾過

《星島頭條》獲得現場2條閉路電視片段，片中可見意外發生時行人路上人來人往，突然間涉事寶馬「炮彈式」剷上行人路，先撞飛一名黑衫女子，女子跌在餐廳門外。惟寶馬繼續衝行，連帶碎片擦撞車頭左邊一名藍衫男子。此時寶馬右邊車頭亦有一名戴口罩的老翁，老翁一度回望，但已來不及閃避，隨即被寶馬從後猛撞並輾過。有途人急忙走出馬路，逃過一劫。

 

 

相關新聞：佐敦道奪命車禍｜寶馬剷上行人路撞倒3途人 一老翁送院死亡

另一段片顯示，涉事寶馬懷疑衝紅燈，剷向行人路並撞倒行人路鐵欄，直撞一名黑衫女途人；她整個人被抛飛，跌在餐廳門外。行人路鐵欄被撞至連根拔起，現場一片狼藉，塵土飛揚。

老翁倒地不起。讀者提供圖片

老翁倒地不起。讀者提供圖片

寶馬最終撞壆停下。梁國峰攝

寶馬氣袋彈出。梁國峰攝

目擊者慶幸避過一劫

目擊者黃先生直指事發時他聽到「嘭」一聲巨響，轉頭一望，即見前面有一名女傷者倒在地上，另有一名男傷者「瞓咗喺度」；而被撞老翁更「成個人趴咗喺度，隔離有塊鐵，估計佢應該俾塊鐵由頭劈到身，頭爛到好得人驚！」

黃先生慶幸自己避過一劫，直言：「如果遲一兩分鐘就到我啦。」事後他不忍心離開現場，亦見有不少熱心市民在場協助傷者。他又指，事發後涉事司機未有查看傷者情況，「司機企喺度唔理囉，個人呆晒囉，佢話好暈喎。」