ERROR相隔兩年1.25再開show 透露有成員公布喜訊
2024-12-10 19:45 
宇宙天團ERROR於明年1月25日舉行Live Show《ERROR“WHAT\'S GOING WRONG??”2025》，續以包羅萬有的現場演出，為一眾粉絲樂迷送上爆笑一夜。演唱會以「What\'s going wrong」命名，估計都會有令人意想不到的ERROR式錯料、笑料貫穿整個舞台。
ERROR有成員有喜事？
ERROR為了給粉絲帶來最精彩的一個晚上，早就開始準備，193（郭嘉駿）道：「我哋已經度晒rundown，12月、1月係全力綵排階段，都呼之欲出係好好睇，我哋上次個show係兩年前，都係爆晒要搶飛，今次搶唔到未必有下次。」點解未必有下次？Poki（吳保錡）要Fatboy（梁業）解釋，他說：「因為我哋身體開始不適，同埋我哋有同事有喜啦，有喜之後就要坐月。」Dee（何啟華）也跟住「暴走」，稱：「都擔心你（指Fatboy）喺現場表演時要表演埋分娩。」
這時Poki興起續道：「見到Fatboy咁大，真係隨時生得，所以今次上台表演係一個好巨大嘅挑戰。」193也說：「有機會喺演唱會唱唱吓穿羊水，所以大家一定要買飛嚟睇。」Poki笑言：「可能會有另一個生命喺度出現，就係台上嘅奇蹟。」就連預告都充滿令人笑翻的資訊，這就是ERROR一貫令人意想不到的驚喜。
最新回應