ERROR相隔两年1.25再开show 透露有成员公布喜讯
2024-12-10 19:45 
宇宙天团ERROR于明年1月25日举行Live Show《ERROR“WHAT\'S GOING WRONG??”2025》，续以包罗万有的现场演出，为一众粉丝乐迷送上爆笑一夜。演唱会以「What\'s going wrong」命名，估计都会有令人意想不到的ERROR式错料、笑料贯穿整个舞台。
ERROR有成员有喜事？
ERROR为了给粉丝带来最精彩的一个晚上，早就开始准备，193（郭嘉骏）道：「我哋已经度晒rundown，12月、1月系全力彩排阶段，都呼之欲出系好好睇，我哋上次个show系两年前，都系爆晒要抢飞，今次抢唔到未必有下次。」点解未必有下次？Poki（吴保锜）要Fatboy（梁业）解释，他说：「因为我哋身体开始不适，同埋我哋有同事有喜啦，有喜之后就要坐月。」Dee（何启华）也跟住「暴走」，称：「都担心你（指Fatboy）喺现场表演时要表演埋分娩。」
这时Poki兴起续道：「见到Fatboy咁大，真系随时生得，所以今次上台表演系一个好巨大嘅挑战。」193也说：「有机会喺演唱会唱唱吓穿羊水，所以大家一定要买飞嚟睇。」Poki笑言：「可能会有另一个生命喺度出现，就系台上嘅奇迹。」就连预告都充满令人笑翻的资讯，这就是ERROR一贯令人意想不到的惊喜。
最新回应