「超齡學生妹」鄭萃雯碩士畢業！孖仔貼心舉動甜在心 獲院長嘉許名單：需要躺平一陣
2024-12-10 20:00
現年39歲的前TVB新聞主播鄭萃雯在2017與TVB結束11年賓主關係，有一段時間轉為從事公關及主持工作，近年獲港台邀請擔任節目主持，同時還在香港教育大學修讀兒童及家庭教育文學碩士。昨日鄭萃雯在IG貼上畢業相，原來經過2年的努力，她終於完成了學業。
鄭萃雯成為人母後仍努力學習
鄭萃雯在2016年誕下孖仔，雖然身份上有轉變，不過未有影響她的上進心，在2022決定重返校園並貼出教育大學學生證說：「請叫我 #學生妹（雖然超咗齡）並祝我學業進步#香港教育大學#兒童及家庭教育文學碩士」昨日鄭萃雯撰文說：「經過呢兩年，我要享受追求知識嘅過程、得到現在嘅成績、平衡方面，絕對唔可能只靠個人嘅努力 ，要靠家人、朋友、工作夥伴嘅支持同鼓勵，感謝大家。」
相關閱讀：鄧萃雯突然被傳有兩子生父曝光？ 竟引出前TVB主播求助：應該點做好
前TVB新聞主播鄭萃雯碩士畢業：
鄭萃雯感謝五位同組戰友同學
曾笑言自己是「超齡學生妹」的鄭萃雯，今次她特別多謝五位同組的戰友同學：「每星期兩晚6:30-9:30堂，大家各自收工從四方八面趕返學校，總會記掛住大家收工是否趕得切/要唔要坐順風車/需要幫手留定幾多個位 。開心嘅片段仲有break time一齊食Snacks Express 、魚尚，間中仲買巨型煨蕃薯、兩姊妹涼皮……得15分鐘break真係要食得好快。」返學開心，讀書認真。每當睇到啱對方用嘅paper會為大家整合簡述，大方分享。好多個晚上，落堂後一齊留喺學校到凌晨十二點幾一點先走。我仲記得每個一齊趕過嘅deadline、一齊經歷嘅實習，仲會為大家經歷嘅人生不同階段而高興，齊心又真心嘅groupmates真係邊度搵。」
鄭萃雯孖仔是最強後盾
鄭萃雯當然未有忘記一對「左右仔」：「人仔細細得嗰六、七歲嘅小朋友仔，付出好多體諒與包容 。我成日趕時間出門口心急忟憎都好，仍然咁愛我、掛住我 。平日左右仔晚上8:30就瞓，逢星期五晚都堅持要等我10:30返到屋企先肯安心上床 。有一次我匿埋趕paper期間，聽到你哋喺隔離房嘅對話 。細佬想搵我問功課，哥哥阻止佢『唔好嘈住媽咪啊，你畀佢專心啲啦，做唔完要留班重讀就慘啦！』的確，叫一句『溫書做功課要專心』好容易，要真正溫書嗰個都需堅毅同有決心 ，重拾書本讓我更明白你哋嘅心情 。」
「入五」的繆美詩依然有女主播風采：
相關閱讀：前TVB主播部署50歲退休計畫？ 港日英買磚頭放租做「包租婆」
鄭萃雯獲院長嘉許名單
最後鄭萃雯說：「多謝你哋咁乖，每每關鍵時期都製造寧靜嘅環境畀我寫文，我愛你哋。當然必須感謝我嘅家人。工作加上讀書，過去兩年幾乎所有周一至五晚餐、節慶我都缺席 。感謝我父母幫忙補位，亦感謝隊友老公處理好家事後，每晚都接我收工或放學，辛苦你哋，冇你哋超勁強力支援，我點能夠安心返工返學？多謝睇到呢度嘅你哋，多謝你哋願意睇我嘅分享、多謝你哋一直嘅打氣，多謝。抖抖啦～我需要躺平一陣#兒童與家庭教育文學碩士#院長嘉許名單。」
最新回應