「超龄学生妹」郑萃雯硕士毕业！孖仔贴心举动甜在心 获院长嘉许名单：需要躺平一阵
2024-12-10 20:00 
现年39岁的前TVB新闻主播郑萃雯在2017与TVB结束11年宾主关系，有一段时间转为从事公关及主持工作，近年获港台邀请担任节目主持，同时还在香港教育大学修读儿童及家庭教育文学硕士。昨日郑萃雯在IG贴上毕业相，原来经过2年的努力，她终于完成了学业。
郑萃雯成为人母后仍努力学习
郑萃雯在2016年诞下孖仔，虽然身份上有转变，不过未有影响她的上进心，在2022决定重返校园并贴出教育大学学生证说：「请叫我 #学生妹（虽然超咗龄）并祝我学业进步#香港教育大学#儿童及家庭教育文学硕士」昨日郑萃雯撰文说：「经过呢两年，我要享受追求知识嘅过程、得到现在嘅成绩、平衡方面，绝对唔可能只靠个人嘅努力 ，要靠家人、朋友、工作夥伴嘅支持同鼓励，感谢大家。」
相关阅读：邓萃雯突然被传有两子生父曝光？ 竟引出前TVB主播求助：应该点做好
前TVB新闻主播郑萃雯硕士毕业：
郑萃雯感谢五位同组战友同学
曾笑言自己是「超龄学生妹」的郑萃雯，今次她特别多谢五位同组的战友同学：「每星期两晚6:30-9:30堂，大家各自收工从四方八面赶返学校，总会记挂住大家收工是否赶得切/要唔要坐顺风车/需要帮手留定几多个位 。开心嘅片段仲有break time一齐食Snacks Express 、鱼尚，间中仲买巨型煨蕃薯、两姊妹凉皮……得15分钟break真系要食得好快。」返学开心，读书认真。每当睇到啱对方用嘅paper会为大家整合简述，大方分享。好多个晚上，落堂后一齐留喺学校到凌晨十二点几一点先走。我仲记得每个一齐赶过嘅deadline、一齐经历嘅实习，仲会为大家经历嘅人生不同阶段而高兴，齐心又真心嘅groupmates真系边度搵。」
郑萃雯孖仔是最强后盾
郑萃雯当然未有忘记一对「左右仔」：「人仔细细得嗰六、七岁嘅小朋友仔，付出好多体谅与包容 。我成日赶时间出门口心急忟憎都好，仍然咁爱我、挂住我 。平日左右仔晚上8:30就瞓，逢星期五晚都坚持要等我10:30返到屋企先肯安心上床 。有一次我匿埋赶paper期间，听到你哋喺隔离房嘅对话 。细佬想搵我问功课，哥哥阻止佢『唔好嘈住妈咪啊，你畀佢专心啲啦，做唔完要留班重读就惨啦！』的确，叫一句『温书做功课要专心』好容易，要真正温书嗰个都需坚毅同有决心 ，重拾书本让我更明白你哋嘅心情 。」
「入五」的缪美诗依然有女主播风采：
相关阅读：前TVB主播部署50岁退休计画？ 港日英买砖头放租做「包租婆」
郑萃雯获院长嘉许名单
最后郑萃雯说：「多谢你哋咁乖，每每关键时期都制造宁静嘅环境畀我写文，我爱你哋。当然必须感谢我嘅家人。工作加上读书，过去两年几乎所有周一至五晚餐、节庆我都缺席 。感谢我父母帮忙补位，亦感谢队友老公处理好家事后，每晚都接我收工或放学，辛苦你哋，冇你哋超劲强力支援，我点能够安心返工返学？多谢睇到呢度嘅你哋，多谢你哋愿意睇我嘅分享、多谢你哋一直嘅打气，多谢。抖抖啦～我需要躺平一阵#儿童与家庭教育文学硕士#院长嘉许名单。」
最新回应