黃建東寧隱瞞患中耳炎聽不到聲照開工 恨演戲珍惜拍《黑色月光》機會丨獨家

黃建東一直很擔心搞笑形象太深入民心，令演正劇機會減少，所以有機會參與《黑色月光》，飾演王浩信好兄弟「蘇彼德」，令他超開心，珍惜機會的他就算拍攝時患上中耳炎聽不到聲，寧隱瞞病情照開工。他又開心分享已成立製作公司接廣告，但暫時是一腳踢，但希望未來可越做越大。採訪：杜杜 攝影：譚志光 髮型:Dicky Chan@The Salon 服裝:Flower Mountain HK 場地:The AIR (The ONE)

東東成功減掉30磅身形fit晒，「希望除咗搞笑，可以演更多唔同類型角色。」

東東成功減掉30磅身形fit晒，「希望除咗搞笑，可以演更多唔同類型角色。」

東東成功減掉30磅身形fit晒，「希望除咗搞笑，可以演更多唔同類型角色。」

東東成功減掉30磅身形fit晒，「希望除咗搞笑，可以演更多唔同類型角色。」

東東在《黑色月光》跟王浩信演好兄弟，但原來兩人是初次合作，加上跟視后楊茜堯亦有對手戲，令他特別緊張，「我同浩信完全唔認識，但劇入面我主要係同佢做對手戲，都擔心唔夠熟點算，好彩佢好好會主動同我溝通，大家好快變熟絡，而茜堯性格好爽，唔會令人好有壓力，拍得真係好開心。」他又開心今次不用搞笑，「好多謝佳導（鍾澍佳）畀機會，其實都擔心只有搞笑角色演，但今次完全唔使搞笑，希望畀到觀眾唔同感覺。」

東東在《黑色月光》演金融才俊「蘇彼德」。

東東跟王浩信演好兄弟，兩人好快變熟絡。

東東可惜跟視后楊茜堯對手戲不算多。

開製作公司一腳踢

東東很珍惜今次演出機會，就算拍攝時因感染流感而患上中耳炎，他一樣照開工，「套劇喺農曆新年前後拍，仲要喺深圳取景，我唔想影響大家工作進度，所以就算嗰時中耳炎影響，個鼻都有發炎，左邊耳仔又有好多積水，搞到得返右耳聽到嘢，都唔敢請假。」隱瞞住病情的東東，拍攝時有苦自己知，「因為一邊耳仔聽嘢唔係太清楚，有場戲講我喺架𨋢入面拍，隔咗啲聲我完全聽唔到導演嘅指示，又唔敢同人講，工作人員仲以為我發生咩事𠻹！」

東東拍劇時患上中耳炎，有苦自己知。

東東在《福祿壽訓練學院》扮日本女團Avantgardey成員，為更神似決心減磅。

台慶當晚，東東幸運被阿姐抽中得到一萬元獎金。

除了有劇出街，東東還自己開心事分享，就是做了老闆，因最近成立了製作公司，「之前幫幾個廣告客戶度廣告，寫埋廣告歌，自己唱埋演埋，搞晒全部製作，客戶啲反應都幾好，於是決定搞間製作公司，除咗幕前演出外，可以喺呢方面繼續發展。」不過他搞笑謂全公司只有他一個固定員工，「𠵱家梗係請唔起人，乜都要一腳踢，有工作先請兼職幫手，但都有個御用女主角，就係我媽咪嘞！哈哈！希望未來可以接到多啲工作，公司越做越大，到時真係可以請得起員工啦！」

早前東東一手包辦製作廚餘機廣告，媽咪亦有份拍。

東東在廣告拍攝現場，身兼多職。