專欄│全「城」振奮熱刺「大」難臨頭

2024-11-23 07:00

英超第12輪，曼城主場迎戰熱刺，兩軍同樣近況低迷。

主隊曼城近排走勢欠佳，各項賽事連輸4場，係主帥哥迪奧拿執教生涯以來第一次。該隊於歐聯爆冷1:4負士砵亭，隨後聯賽對白禮頓，喺領先一球之下反輸1:2。不過，曼城正式同領隊哥迪奧拿續約至2027年，傳聞哥帥自願放棄解約條款，意味着曼城若果降班亦會繼續留隊，相信此舉令球隊嘅士氣大增。

至於客隊嘅熱刺，近來表現相當反覆，各項賽事近兩戰全敗，上場亦爆冷輸畀葉士域治1:2，令人大跌眼鏡。與此同時，該隊兩位中堅主力基斯甸羅美路與雲迪尹均因傷缺陣，中場賓坦古亞亦因為種族歧視言論要停賽7場，未能上陣，令中後場實力大打折扣，相信今場面對曼城亦難逃一劫，一於博入球大細三點五球大盤，藍月以一場大勝一洗頹風。佩芝

關鍵字