陳映影張右雨不擔心重提跟張天賦 AK關係 參加《選角》預被網民挖黑歷史丨獨家

謝君豪策劃兼導師、陳湛文主持的ViuTV選秀真人騷《選角》，參賽者中不乏熟悉面孔，有跟張天賦（MC）和熊仔頭傳過緋聞的KOL陳映影；曾參加《全民造星III》兼跟AK（江𤒹生）@MIRROR拍過拖的張右雨；參加過《造星IV》的林暐翹及參加過《試當真》「校花校草」的王耀宏（Meaning）。他們預了被挖黑歷史，甚至遭網民攻擊，但好想熱愛演戲的心被看見。採訪：杜杜 攝影：羅安強 服裝:Mardi Mercredi(右雨)；LAKH(Happy)；＠harveynicholshk、@ISNURH、@whitemountaineering_official、@_demo_official(Meaning)

《選角》的參賽者（左起）46號Meaning、38號右雨、1號映影、21號暐翹和4號Happy，已有一定知名度。

《選角》的參賽者（左起）46號Meaning、38號右雨、1號映影、21號暐翹和4號Happy，已有一定知名度。

謝君豪和主持陳湛文很支持一班參賽者。

23歲暐翹參加完《造星IV》後，組女團STRAYZ又出單曲，但自小愛睇武打片好想做打女，「參加《選角》想試吓有冇機會做到演員，多個身份。」21歲Meaning就讀科大金融系，透過《校花校草》比賽入行，「之前都係影硬照同廣告多，想話畀大家知我係想做演員。」27歲Happy（陳浩恩）本是YouTuber，但夢想做演員，「希望自己有機會，畀屋企人、親朋好友喺大銀幕見到我。」

23歲暐翹參加完《造星IV》後，組女團STRAYZ又出單曲。

21歲Meaning就讀科大金融系，透過《校花校草》比賽入行。

27歲Happy（陳浩恩）本是YouTuber，但夢想做演員。

 不想感情事模糊焦點

29歲的右雨直言時間無多，雖是ViuTV旗下藝人，但恨做演員卻零演戲機會，，「藝人都有自己困難，點樣可以喺大公司生存，唔係個個想像到，𠵱家主要拍綜藝做主持，偏離咗我想行方向，年紀漸長不如透過呢個真人騷話畀大家聽我可以做到啲咩。」IG有近16萬follower的映影，就話夢想由始至終都是做演員，「大家會界定我係KOL或者YouTuber，演戲機會真係好少，所以有任何機會去casting都會去報，更何況今次係咁大型嘅節目。」

右雨雖主持機會不少，卻苦無演戲機會。

映影努力向演員路發展，除演技堂還學埋特技。

參賽者還有一班新面孔，（左起）24號李雅霖、7號胡希怡（蝦莉）、11 號鄭可琳、45號余汘欣（Beatrice）和5號黃詠琪。

他們預了參加得真人騷，難免成為網民討論對象，甚至被挖黑歷史，右雨就預了被重提前度AK，「我希望我嘅新聞可以更新吓，搵定下一單緋聞先，哈哈！我本身係預計更壞，點知暫時睇都有啲人幾支持，讚我主持比以前好睇，又知我冇做過戲，有雪亮眼睛嘅觀眾都知，我喺公司生存狀態係點。」而跟MC 和熊仔頭緋聞一度成為熱話的映影，都擔心努力被模糊了焦點，又再次澄清自己是單身，「都係咸豐年嘅事，同埋我嘅感情狀況都係keep住單身，單身到個境界係變成咗男人嘞，勁man咁，佢哋成日投訴我䟴腳。」

右雨當舞蹈員時，曾跟AK拍拖兩年。

映影曾是「FHProductionHK」頻道藝人，並跟主理人熊仔頭傳緋聞。

2022年映影為 MC拍MV，再出現MC個人頻道兼被拍得一齊行超巿。