69歲金燕玲兩度抗癌！醫子宮頸癌割5樣嘢：腫瘤好惡患乳癌憂面對不對稱乳房

2024-11-21 18:33

69歲的金燕玲（Elaine）曾四次奪得香港電影金像獎「最佳女配角」及兩次獲頒台灣電影金馬獎「最佳女配角」，是港產片常用配角演員，最近亦有參與票房電影《破·地獄》的演出。近年金燕玲先後患上子宮頸癌及乳癌，加上她的伴侶蘇施黃（阿蘇）亦患上第三期大腸癌，她積極向大眾分享治癌症經歷鼓勵抗癌人士。金燕玲日前作客鄭裕玲（Dodo）YouTube頻道「The Do Show」節目受訪，透露患癌細節以及健康現況。

金燕玲子宮藏惡性腫瘤確診癌症

金燕玲2019年時發現患上子宮頸癌，接受手術切除子宮、卵巢、淋巴、大網膜及盲腸，並經歷六次化療及四次電療。金燕玲在鄭裕玲的網上節目中分享，當時正值農曆新年，她年廿八送完女兒上機返英國後，翌日便入院見醫生，「醫生一見面就話我癌指數好高，通常咁嘅情況都係壞消息。」金燕玲即時抽組織化驗，她形容過程痛苦，「係非常之痛，忍住畀佢整完，直到年初三入院，年初四開刀做手術，如果我幸運嘅話，只需要接受微創手術，切除子宮同其他器官組織，手術就完成。結果進一步檢驗之後發現，我嘅情況一定要開刀做手術，割除咗包括子宮、淋巴在內五個器官，甚至連盲腸同大網膜都一拼切除。我問醫生，點解要連盲腸都切埋？佢解釋，因為我個腫瘤好惡。醫生話如果復發，通常情況下會喺呢啲位置（盲腸）擴散，所以醫療方法就係將腫瘤周遭嘅器官同組織全數切除。」

相關閱讀：金燕玲兩歷婚姻失敗終遇真愛歌手出道拍艷情片彈起封「配角天后」

金燕玲分享患癌症細節？

金燕玲曾四次奪得香港電影金像獎「最佳女配角」及兩次獲頒台灣電影金馬獎「最佳女配角」，是港產片常用配角演員。

69歲金燕玲縱橫影壇半世紀，拍過不少電影及電視劇。

在台灣出生的金燕玲（左）1970年趁暑假參加台北市《今日世界音樂中心》歌唱比賽獲得亞軍而入行，曾活躍於台灣歌壇9個月，不時到東南亞的夜總會登台。

金燕玲年少時期曾拍攝大膽裸露寫真。

金燕玲1973年來港從影。

少女時期的金燕玲拍了幾部艷情片，成為七十年代的性感女神。

金燕玲憑呂奇執導的電影《女人面面觀》一舉成名。

金燕玲在電影《水為財》更是豁出去露點色誘何守信。

金燕玲在TVB劇《假日風情》中有泳衣演出。

近年金燕玲先後患上子宮頸癌及乳癌。

金燕玲日前作客鄭裕玲（Dodo）YouTube頻道「The Do Show」節目受訪，透露患癌細節以及健康現況。

金燕玲得悉患癌腦中一片空白。

金燕玲堅強抗癌過程痛苦。

金燕玲曾演出電影《地下情》。

金燕玲與周潤發（左）在《地下情》合作。

金燕玲與梁朝偉（右）在《地下情》合作。

金燕玲1986年憑《地下情》奪金像獎「最佳女配角」。

金燕玲1987年憑《人民英雄》奪金像獎「最佳女配角」。

金燕玲曾演出電影《踏血尋梅》。

《踏血尋梅》食煙爆喊一幕更成為網上meme。

金燕玲曾演出電影《一念無明》。

金燕玲多次奪得金像獎「最佳女配角」。

金燕玲得悉患癌腦中一片空白

金燕玲完成手術後，留醫10天，之後開始接受化療和電療，金燕玲起初並沒有將患癌一事告知家人，只告訴了關之琳及蘇施黃，而她為了不讓其他家人擔心，一直沒有將消息告訴定居外國的女兒，直至做完第一次化療，需要人幫助出院，她才將患癌一事通知妹妹。金燕玲表示：「因為我覺得即使話佢哋知都無濟於事，大家都會好驚。」金燕玲指得悉患癌時腦中一片空白，步出診所後，在髮型屋剪髮時一度爆喊，「當我踏入間舖先開始流淚，店員見到都好驚，我唔知道自己當時點解不停流淚，一片空白，我冇胡思亂想，譬如擔憂自己處境有幾嚴重、仲剩返幾多壽命，通通都冇諗，腦海就係一片空白。」金燕玲指媽媽同樣是因乳癌離世，當時媽媽在化療過程亦受不了，最終放棄治療，她形容過程生不如死，「佢嗰種痛好似來自身體內面啲骨頭，但又講唔清楚係邊度，總之痛到令人坐唔安，瞓唔落，成日都嘔，冇一種舒緩方法啱用，又冇人可以幫到你。」

相關閱讀：蘇施黃兩度患癌近照曝光！與64歲女神齊慶生面色紅潤仲有幸福肥

金燕玲堅強抗癌過程痛苦

由於金燕玲的子宮內的腫瘤是惡性，癌症復發期比普通癌症短，三年便有機會復發。但她子宮頸癌暫時沒有復發，卻在2021年患上乳癌，她透露做運動時無意間發現乳房有腫瘤，金燕玲指她的媽媽同樣是因乳癌，但自己卻沒有時常自我檢查，認為自己的確有失察的地方。醫生指乳癌需要先做手術，開刀取出組織化驗才知乳癌第幾期，起初她被告知有機會切除乳房，都非常苦惱：「當進一步擴散嘅話，整個乳房就要割除。我而家都就快70歲喇，呢件事發生喺幾年前，作為一個60幾歲嘅女人，如果需要切除乳房就切除啦，又唔係咩大不了嘅事，問題係……我而家切一個定兩個？我唔鍾意有嘢困擾我、拖泥帶水，問題係你唔知道呢件事應唔應該做。」

金燕玲花五年接受同性戀？

金燕玲演藝之路順風順水，可惜情路崎嶇。

金燕玲曾四奪金像女配角。

金燕玲曾演出TVB劇《畢打自己人》。

金燕玲曾演出亞視劇《情陷夜中環2》。

金燕玲早前接受網上節目《衛食攻略》訪問，指起初雙方只是雀友關係，一點都不熟。

金燕玲說：「「佢知道我當時嘅處境，可能佢鍾意我啦，又覺得我好慘，佢話：『人哋撈呢行你又撈呢行，你撈得咁淒涼？』」

金燕玲不諱言，當時只是「貪圖」蘇施黃的照顧，最終跟對方相處了差不多五、六年才覺得舒適。

金燕玲笑說︰「因為佢（蘇施黃）畀咗一個照顧我嘅方案，但我話：『我唔係攣㗎喎。』，之前係完全冇諗過，同埋我話：『我唔識㗎喎，你要做乜㗎？』，哈哈！」

金燕玲大爆當年蘇施黃的追求招數。

後來見過幾次面，蘇施黃展開攻勢追到去英國，金燕玲：「佢呃我話有個朋友會嚟倫敦，問我喺香港有乜嘢需要買，託佢拎畀我。」

金燕玲笑說：「我話英國好難買中式鑊，如果佢朋友唔介意就幫我買兩隻鑊過嚟啦。」

結果金燕玲第二天去取貨便見到蘇施黃。

及後，金燕玲隨對方上房食晏，閒談期間她更毫不避忌問對方：「你係天生咁樣？」

金燕玲強調：「我唔係因為離婚受咗刺激，從此對男人冇興趣，結果就鍾意女人，我完全唔係咁樣！」

金燕玲坦言被對方改變了許多想法：「我從『唔知捱到幾耐』嘅心態同佢開始，結果我同呢個人嘅時間係長過我兩段婚姻加埋！」

金燕玲曾有兩段婚姻，1975年嫁采蝶軒老闆梁廷斌，惜維繫6年便結束，1989年因意外懷孕與英國執業大律師Robert Wong（右二）結婚。

無奈第二任丈夫傳有第三者，金燕玲為給女兒一個完整家庭，選擇忍氣吞聲。

金燕玲最終在囡囡（右）鼓勵下離開英國，2005年宣告離婚收場。

金燕玲最終在囡囡（中）鼓勵下離開英國，2005年宣告離婚收場。

金燕玲擔心手術後乳房不對稱

醫生解釋切除一邊的乳房後一邊是真，一邊是假，但金燕玲擔心的是整體不對稱，「矽膠袋會令假乳房挺啲，真乳房會隨年紀下垂，咁點？每日就面對唔對稱嘅乳房，變相提醒我呢啲唔開心嘅事，作為一個女人……你可不可以喺鏡前面對自己，我做唔到。我唔係需要乳房，但我無辦法可以咁樣面對佢。」她亦不曾考慮兩邊切除重建假乳房的方案：「問題係我呢個人係好怕啲假嘢，總之我無辦法接受。醫生解釋仲有一個最好嘅方法，係透過一啲方法由後背抽取肌肉進行移植，咁可以令乳房由正面睇係最自然嘅，但我個背脊會留低一道好長嘅疤痕，總之冇一個方法係完美。」但幸好，最終金燕玲無需全乳切除。

相關閱讀：蘇施黃迎68歲前完成最後一次化療難忘曾屙嘔11日唔見10磅嚇壞金燕玲

金燕玲：我唔怕死

金燕玲認為現刻不算完全康復，她認為癌細胞一直存在於她的體內，可以做的是放鬆自己去面對，唯一仍令她困擾的是失眠的問題改善不了，還需靠藥物助眠。至於疫情期間她學識放慢生活步伐，近來重新接觸熱愛的跳舞，雖然感受到體力大不如前，但亦感恩仍可以做想做的事，「喺適當嘅時候做喜歡嘅事，我覺得好重要。」金燕玲直言不怕死，但希望可以走得舒服，「最好係有科技可以令我一瞬間死咗，咁就好喇，我呢一生經歷幾多事，如果你而家問我有咩遺憾，我都講唔出，所以我唔怕死。每一日都可以平安無事就好喇，聽日再算啦，唔好諗太遠，過好今天。我以前經常抱怨過去，怨天尤人、自怨自艾，浪費時間……當仲喺度憂慮或者耿耿於懷過去嘅事，點開心過今日呢。」