《903 AllStar籃球賽》歌星隊進行賽前特訓 隊長張繼聰欽點MIRROR做快攻手 姜濤被看好衛冕MVP

《903 AllStar 籃球賽》今年強勢回歸，將於11月23日（星期六）假亞洲國際博覽館AsiaWorld Arena隆重舉行。屆時森美將率領一眾903 DJ組成「九零三人隊」，對戰由張繼聰領軍的「歌星勇士隊」，於籃球場展開連場激鬥，超強陣容蓄勢待發。「歌星勇士隊」特別邀得星級教練梁振雄Coach Fui進行特訓，隊長張繼聰聯同隊員Jackal@Dear Jane、Tim@Dear Jane、郭嘉駿@ERROR、Gareth.T、kayan9896、Lolly Talk、邱士縉@MIRROR、moon tang、Nancy Kwai、ROVER、VIVA、吳林峰、周殷廷、林愷鈴、陳健安、陳凱詠、梁釗峰、張馳豪、張蔓姿、張蔓莎、黃妍、黃明德、曾傲棐、黎展峰及譚旻萱，齊集籃球場加緊操練，勢要衛冕冠軍。

MIRROR、Gareth.T、吳林峰成張繼聰對快攻人選心水

為「歌星勇士隊」制定戰術的Coach Fui指：「『歌星勇士隊』喺年紀上擁有壓倒性優勢，而『九零三人隊』整體年紀及體脂肪都比歌手們高，所以我哋會採取『釘人戰術』，壓迫『九零三人隊』繼而搶波再快攻。」隊長張繼聰對於快攻隊員的人選，信心十足指：「MIRROR平時跳唱快歌，快攻一定無問題。打波好講節奏，Gareth.T就夠晒節奏感。連唱慢歌嘅吳林峰都係打開籃球，所以我哋全隊人都可以快攻。建議『九零三人隊』食多啲嘢，到時我哋喺籃球場會chur盡佢哋啲脂肪！」

歌星勇士隊隊長張繼聰、教練Coach Fui梁振雄及全體隊員進行特訓。

Coach Fui指：「『歌星勇士隊』喺年紀上擁有壓倒性優勢。」

「歌星勇士隊」特別邀得星級教練梁振雄Coach Fui進行特訓。

 

193笑指：「我太高會跑得辛苦啲，所以進攻都係交番畀隊長。」

Stanley窩心呼籲粉絲不用擔心姜濤。

首次參賽的ROVER表示會為師兄們打氣。

周殷廷（Yan Ting）、張馳豪（Aska）及曾傲棐（Arvin）均是第一年參賽。

陳健安和梁釗峰兩兄弟再次合作打籃球。

Stanley、193代姜濤叫大家放心

第二年參戰的邱士縉（Stanley）及郭嘉駿（193）對隊長張繼聰的策略及實力均十分信任，Stanley表示：「我哋會跟隨隊長嘅策略，派啲後生喺個場不斷跑，逼到對手冇晒氣，我相信佢哋冇得違反大自然定律。」193則笑指：「我太高會跑得辛苦啲，所以進攻都係交番畀隊長，佢夠大隻上場衝撞同射波都得！」對於今年的MVP，二人皆看好上屆MVP姜濤。Stanley窩心呼籲粉絲不用擔心姜濤：「放心啦，佢（姜濤）話咗會安全咁打。」193亦請大家放心：「佢（姜濤）今年會買多兩隻護膝。」此外，首次參賽的ROVER表示會為師兄們打氣，被隊友大力推舉為最佳進攻手的希晉：「之前打波都係進攻多，今次想傳多啲波畀大家上籃。」

周殷廷（Yan Ting）、張馳豪（Aska）及曾傲棐（Arvin）均是第一年參賽。Yan Ting 輕鬆指：「殺手鐧就係一眾隊友，打算靠隊友carry。」擅長打籃球的Aska則指:「我最有信心係三分波，但啱啱拉傷咗肌肉，所以都擔心影響比賽表現。」至於Arvin則計謀多多，笑指：「我打算使出假摔招數，為隊友爭取更多罰球嘅得分機會。」

林愷鈴原來曾經是校隊成員，難怪陳凱詠及黃妍都說有佢喺度，好有信心。

Lolly Talk準備咗佢哋最擅長嘅嘢——聲量，8個人等於800個人嘅聲去支援球場上嘅大家。

譚旻萱也是女子組一員。

VIVA也是首次參加籃球賽。

kayan9896也是女子組一員。

moon tang、張蔓姿及Nancy Kwai夠晒活力。

林愷鈴曾是籃球校隊

今年女子組陣容亦相當令人期待，林愷鈴(Ashley)打得有板有眼，原來曾經是校隊成員:「我10年前係校隊成員，好彩仲記得點打，比賽之前我會努力練多啲!」陳凱詠(JACE)聽後則笑稱:「有Ashley喺度，我好有信心『歌星勇士隊』一定贏!」黃妍指:「之前著高跟鞋拉傷了腳，而家就好似阿婆拍波咁，希望可以快啲復原。」Lolly Talk笑指籃球場實在「一場難求」：「呢幾日成日落雨，雖然借唔到室內場，我哋都去咗室外場練波，我哋唔會畀雨淋熄我哋嘅鬥心！」隊員們更指比賽當日已準備了驚喜絕招：「我哋準備咗我哋最擅長嘅嘢——聲量，8個人等於800個人嘅聲去支援球場上嘅大家。」