70歲「TVB富婆」肥嘟嘟瘦到110磅見腰線 網民生圖更誇張 頭大身細鎖骨明顯
2024-11-15 22:40 
上月底剛「登七」、有「鬼馬歌后」之稱的朱咪咪，90年代加入TVB拍劇，拍過無數經典劇集及電影，搞笑形象深入民心，亦多次開過演唱會。朱咪咪在星馬及香港均有物業，在大馬更有舖位，被封為「億萬富婆」，近年長留新加坡與兩個兒子及新抱一起生活享清福。朱咪咪早前罕有出山拍電影，明顯消瘦不少，近日她又到加拿大登台，被網民力邀合照，卻驚見她頭大身細。
相關閱讀：朱咪咪見盡發姣女藝人爭上位 入行半世紀慶幸冇男人緣勸同行帶眼識人丨獨家
朱咪咪生圖更顯瘦？
敖嘉年早前在微博分享了與朱咪咪一齊到佛山拍攝電影《功夫少年》的工作照，還有動作巨星洪金寶參演，相中朱咪咪身形暴瘦驚現樹根頸，比起導演高志森明顯瘦不只一圈。朱咪咪近月忙個不停，在港做完酒樓Show後，先後到過澳門及美國演出，對於被指暴瘦現「樹根頸」，朱咪咪受訪時曾指：「成個月忙住做嘢，係瘦咗10幾磅，咁跑法蛇到死啦，但我精神、精力好好，夜晚唔食澱粉質係好好嘅，我呢個年紀瘦啲好過癡肥，更何況體重Keep住110多磅，『樹根頸』係影相角度問題，相中我個頭側側地，條頸點會冇事呀？」
朱咪咪去加拿大登台掘金
與太太黃璦瑤婚後在加拿大定居的亞視小生杜挺豪，今日（15日）在社交網貼上朱咪咪到多倫多登台的片段，見她在酒樓獻唱蘇芮的歌曲《酒干倘賣無》，身穿藍黑色露肩珠片長裙，絕不欺場，中氣十足之餘，拿着鮮花又揈咪又擺動身體，令一班觀眾聽耳油，個個笑容滿面又舉機拍片。網民都留言：「睇朱咪咪好過去睇Taylor Swift啦」、「咪咪姐仲keep得好好，仲好有腰型」，當朱咪咪舉起手時，發現她有腰線，與以往肥嘟嘟的身形相差極遠。不少觀眾都找她合照，其中一位網民晒出的照片所見，朱咪咪身形更瘦，鎖骨明顯，但由於她的面型相對飽滿，因此有頭大身細感覺。除了今次登台表演外，朱咪咪日前還在溫哥華舉辦一場慈善演唱會，更特別邀請了不少圈中好友一同參與，包括資深歌手及節目主持人盧業瑂出現。
朱咪咪長留新加坡歎世界？
朱咪咪自拍攝《陀槍師姐2021》後就沒有拍TVB劇集，並返回新加坡避疫，她曾解釋消瘦原因，指與兒媳同住很少吃米飯：「只係因為冇飯食，因為同囝囝住，佢哋唔食飯，冇澱粉質。而家每朝我開車出去食碗湯粉，買啲日用品，傍晚求其食啲餃子同菜，煮完狗飯就帶狗喺屋企附近散步，生活得不知幾開心。」有指朱咪咪在新加坡、馬來西亞及香港合共有八、九套物業，現時住在新加坡一座兩層半大屋，生活無憂。
其他文章：
69歲TVB「御用阿媽」瘋狂變瘦？現樹根頸豐腴身形不再 與兒媳同住曾自爆冇飯食
最新回應