港產大熊貓｜盈盈華麗轉身氹細佬瞓覺 網民 : 細佬有無過山車FEEL?
2024-11-06 21:13 
小朋友活潑好動，總是扭著媽媽玩，大熊貓BB也不例外。海洋公園今日（6日）在社交平台發布盈盈湊細佬的影片，只見細佬周身郁無時停，盈盈要陪玩「飛高高」，又啜又錫，細佬才可以安靜下來。網民大讚盈盈稱職︰「盈盈媽咪真係超級好媽媽，自己幾攰都氹佢哋一直舐瞓覺。」亦有網民指「舉到咁高再鍚到啜啜聲盈盈真係好錫佢哋呀。細佬有無D過山車FEEL?」
網民:一咬住就無得反抗
海洋公園最新的影片可見，盈盈原本抱著細佬挨坐牆邊，但細佬不斷郁來郁去，盈盈只好將牠銜在口中，一個大轉過身將牠輕輕放在地面，並側臥在地抱着牠，繼續「啜啜聲」安撫牠睡覺，又不時伸出舌頭舐舐為牠保持濕潤。
海洋公園更代盈盈發聲:「細佬做咩仲唔瞓呀，唔好亂郁啦，媽媽攬返！」有網民驚訝:「睇到盈盈抱住細佬佬，就知細佬佬大隻咗好多」，亦有網民笑稱盈盈靠一招拿捏細佬:「一咬住就無得反抗，一鬆口就想越獄，細佬你都係就範乖乖地瞓覺啦。」亦有網民笑說︰「男仔真係難搞啲 。」
最新回應