林俊賢首回應 林鈺洧 馬清揚 緋聞 介意囡囡「父女戀」：唔好搞出大頭佛丨獨家

林俊賢日前回港出席面膜品牌活動，吸引大批女士捧場。提到他的港姐女兒林鈺洧被指和61歲的馬清揚譜出「父女戀」，林俊賢希望女兒健康幸福快樂，但就講明對兩人年紀差距有少許介意，更坦言已提醒女兒「唔好搞出大頭佛」。 文：娛樂組

林俊賢日前（28日）由內地回港出席活動。

久未露面的林俊賢更開金口獻唱《風繼續吹》。

表妹Naomi （馮鎵瀠）亦現身撐場。

林俊賢坦言因為疫情關係，已有5年沒回港，近年在內地都係做自己高興的事。

 

被問到今次回港有沒有與女兒林鈺洧見面？他表示因為晏晝才回香港，未有時間見囡囡。

對於女兒被指和馬清揚拍拖？林俊賢希望囡囡幸福快樂，但對於兩人的年齡差異，都有少少介意！

對於女兒林鈺洧的戀情，林俊賢希望她可以好好處理。

更講明唔好搞出大頭佛！

 

林俊賢表示現在評估不到介意程度。

林俊賢日前（28日）由內地回港出席活動，獲表妹Naomi（馮鎵瀠）現身撐場，久未露面的林俊賢更開金口獻唱《風繼續吹》，現場觀眾衝上台求合照及大叫安歌。林俊賢坦言因為疫情關係，已有5年沒回港，近年在內地都係做自己高興的事，例如游水、健身同見粉絲。被問到今次回港有沒有與女兒林鈺洧見面？他表現：「因為我晏晝先返香港，需即日來回，只係同表妹Naomi及阿姨晚餐，未有時間見囡囡。」當問及對女兒被指和馬清揚拍拖有何睇法？林俊賢表示：「其實我都聽到啲消息，我希望佢健康幸福快樂！」

至於可介意囡囡男友和64歲的他年齡相若，被外界指「父女戀」？他表示：「我唔知佢哋兩個關係係點樣，佢哋兩個關係發展最大嘅介意就係外邊嘅聲音，年紀問題有少許介意。要睇實際差異同各方面嘅匹配，我𠵱家評估唔到介意嘅程度，如果單從數字嚟講就一定介意，除非嗰個人體力上面仲係好後生，仲Fit過年青人就可以另作評估。不過作為我同佢有血緣關係，希望佢可以好好處理，都係嗰句撇除所有嘢都係最緊要佢開心快樂健康！唔好搞出大頭佛，我已經提醒咗佢！」

林俊賢有份主演的電影《風林火山》即將上映，他透露當初一位監製致電說麥浚龍想找他拍戲，飾演鬼叔一角，能與好多影帝合作感高興。

 

敷冰袋拍《風林火山》好窩心

林俊賢表示與女兒近期比較少聯絡，但前幾日生日，收到女兒短訊祝福及閑聊幾句；對於去年製作組舊同學曾洽談返無線拍劇，林俊賢透露因時間問題而錯失機會感可惜，笑言希望大家快啲搵佢拍戲！談到有份主演的電影《風林火山》即將上映，林俊賢指當初一位監製致電說麥浚龍想找他拍戲，飾演鬼叔一角，坦言能與好多影帝合作感高興，非常多謝導演麥浚龍，他表示：「戲服好有型，好靚，但當時拍攝日戲，非常之熱，劇組幫我準備冰袋圍着全身拍攝，非常窩心！其實以前就應該用呢個方法解決演員太辛苦嘅問題，現代電影人好聰明！我希望電影上映能多啲返嚟參與宣傳，順便見吓朋友。」

對於最近加入《精裝明星足球隊》，問林俊賢可知道陳百祥（阿叻）離隊及分家原因？他表示：「我真係冇問咁多，當日係阿叻同埋王晶邀請我加入，當年電影合作過有情意結，所以一口應承，其他嘢我冇問太多。」至於有網民指他球技了得，林俊賢反指最近想做的事，做到二分之一已感覺唔得，需要多加練習，更笑言建議叻哥為足球隊增添女成員：「我建議明星足球隊應該搵多啲女性，例如加入表妹Naomi，表妹足球球技比我好，因Naomi中學曾踢過九龍東女子足球及曾參與港甲公民事務！」