《小丑：雙瘋》我們都是小丑女丨頭條戲場

電影負評多到癲，有人嫌過多歌舞場面，又話法庭戲冗長，19年上映的《Joker小丑》內好癲好喪的小丑去咗邊?極速被納入「我睇咗啲乜」電影類別，觀眾爆晒粗，好嬲好嬲。其實《小丑：雙瘋》拍攝前導演Todd Philips一早講咗會將音樂歌舞貫穿故事，不過知同接唔接受是兩回事，片長138分鐘，唱住演玩足大半場，的確有幾嚴重的觀影疲勞，但形容電影是爛片、垃圾就真心過份咗，齋睇Arthur/小丑(Joaquin Phoenix飾)如何以為得到愛再被離棄，然後覺悟除下面具，教授級演繹一個真實靈魂不被接納的陰功豬，睇佢就夠。(剛上映)撰文:廖思慧
 

小丑女不斷要Arthur咁咁咁，仲畀好多假希望對方，正衰人。

為令Arthur入局，小丑女仲玩放火。

小丑女高調入法庭聲援Arthur。

出庭前，有記者訪問Arthur想佢透露更多殺人內情。

電影中好多分鏡都讓人印象深刻。

獄警當Arthur係傻仔，每日要佢提供地獄級笑話用嚟換煙仔。

Joaquin Phoenix較上集更瘦，如中童身形，導演對佢心悅誠服，「佢係非常敬業嘅演員，我哋喺早期就討論過佢要為角色再次減磅，同時亦曾提出：『嗯，有一個版本，Arthur唔使好似上集咁瘦，因為藥物影響，而且佢被監禁，冇運動，唔使行樓梯，我可以解釋到佢點解冇咁瘦。 』但Joaquin 說：『不，不，絕對不行。 』事實上，佢想比上集更瘦。」另外，戲中大量歌舞場面，Joaquin為演好角色跟排舞師苦練幾個月，最後跳得似模似樣。

Joaquin Phoenix較上集更瘦，感覺好虛弱。

Arthur同小丑女搭上後，有好多前者幻想出嚟嘅歌舞場面。

絕望地DARK

的確更瘦更乾又煙不離手，Arthur在精神病監獄等候服刑，期間遇到主動親近的小丑女Lee (Lady Gaga飾)再秒速墜入愛河。自細缺愛的Arthur被初戀沖昏頭腦，就算律師篤爆Lee講大話，為求埋身，明明出身富貴就扮低等人，因為好愛好愛，Arthur選擇接受，大量歌舞場面就出現在Arthur戀愛期間。然後當Arthur以為自己終於有人愛，想除下小丑面具做回Arthur，先發現小丑女及一眾在法庭外支持的Fans只是愛小丑，你做返正常人，我點解仲要鍾意你?電影角度就是Arthur 的內心世界，覺得難睇，好失望的，或者正是導演想要表達的：「No one cares about Arthur。」即是你人設跟我想的不再一樣，所以我不要你了。

不用爭，大家好，我們都是嗜血又自以為高高在上的小丑女。

小丑女主動入精神病監獄扮偶遇Arthur。

Arthur乳名Happy仔，但其實佢從未開心過，每日仲逼自己笑，

Arthur好瘦弱，呢幕雨中喊住咆哮，睇到好難過。

 

電影構圖及色彩跟上集一樣咁出色。