鍾柔美拍劇致睡眠不足現疲態 9月中返HKU SPACE 望拍劇與學業平衡 揀科唔確定是否適合決定「讀住先」
2024-08-31 19:30 
鍾柔美（Yumi）今日（31日）到尖沙咀出席「Gimme LiVe 音樂節 2024」，她指會唱新歌之餘亦會跳舞，自己剛在綵排的時候發現與粉絲的距離很近，故很期待。見Yumi的樣貌有點累，她解釋因為最近開劇，雖然昨晚有時間休息，但因長時間累積睡眠不足所致。
升讀HKU SPACE的Yumi將在9月中開學，她表示已準備好心態及心情開學：「知道大學好多嘢都唔似中學，都要靠自己，啲同學唔識，但亦有啲朋友都讀同一間，只係唔同科，不過都可以識新朋友，好緊張。」她又透露自己選的是與商科有關的科目，不過因為揀的時候也不太肯定是否自己想讀，所以先「讀住先」，問到現時正開劇的她會否怕影響學業？她說：「我諗影響唔會特別大，都有同公司講，因為就開學所以時間上要排得好好，想投入多啲喺呢間我揀嘅學校度，同再投入多啲時間同再勤力啲，我知道都好唔容易，但我都要好努力咁追返上嚟。（拍完劇停工？）冇必要暫停，但如果太密嘅話都會同公司出聲。」
最新回應