「少女睡衣黨」屯門周街開價問人攞$5做呢樣嘢...... 街坊爆3大出沒熱點｜Juicy叮

2024-08-29 06:51

當街要錢的「呃錢黨」騙徒幾乎把香港行了個遍，無論是獨行的、雙人的，還是一家大細推BB車的都臭名遠播，市民已提高警覺。

走入困境的「呃錢黨」近日似乎改施美人計，懷疑派出少艾成員以姊妹花姿態登場，穿上睡衣短褲變身「少女睡衣黨」，同時下調討錢銀碼至5大元，務求降低大家的警戒心密密手收5元，圖個山大斬埋有柴。

「少女睡衣黨」逐張睇＋網民零捨精神回應↓↓↓↓

「少女睡衣黨」屯門周街開價問人攞$5做呢樣嘢...... 街坊爆3大出沒熱點

「呃錢黨」疑改施美人計。

帖文於8月23日上載。fb「屯門友」截圖

姊妹花穿上睡衣短褲。fb「屯門友」截圖

兩人穿戴相似。fb「屯門友」截圖

事發地點輕鐵兆康站附近。資料圖片

穿疑似睡衣下身穿同款短褲

facebook群組「屯門友」早前（8月23日）代街坊發帖，上載兩名女子的背影圖片，指當日「16:01喺（屯門）兆康輕鐵站圖中兩位著睡衫上衣少女周圍問人拎5蚊搭巴士，佢問我，我話無，佢哋就行返入商場，睇衣著外型似住附近」。

隔著輕鐵站拍攝的相片中，兩名啡髮女子穿上一藍一黃疑似睡衣，下身穿同款的灰色短褲，其中一人疑穿拖鞋，另一人邊行邊按手機；路上周圍有其他行人，輕鐵站也有候車乘客。

「少女睡衣黨」逐張睇＋網民零捨精神回應↓↓↓↓

兩人同為啡髮。fb「屯門友」截圖

網民見到「少女睡衣黨」格外醒晨，肆意調侃。

兩人穿上同款短褲。fb「屯門友」截圖

網民：咁樣衣著要以身相許。fb「屯門友」截圖

網民查問「靚唔靚先」。fb「屯門友」截圖

網民：做個朋友先。fb「屯門友」截圖

網民：少女問拎5蚊，同大媽問拎5蚊可以爭好遠。fb「屯門友」截圖

網民：少女問你，可能你會乘機抄牌。fb「屯門友」截圖

網民：如果問我，起碼畀5舊（$500）啦！fb「屯門友」截圖

網民：籌旗夾公仔。fb「屯門友」截圖

網民：居然仲有呢啲。fb「屯門友」截圖

網民：有錢染髮無錢坐巴士？唔係啊？fb「屯門友」截圖

網民：視覺上會舒服啲。fb「屯門友」截圖

網民：5蚊買段姻緣抵呀。fb「屯門友」截圖

網民：畀個5佢。fb「屯門友」截圖

網民肆意調侃：做個朋友先

網民見到少女背影格外醒晨，調侃「居然仲有呢啲」、「籌旗夾公仔」，笑言「如果問我，起碼畀5舊（$500）啦！」，並心急和兩人「做個朋友先」。

有人痛心無遇上——「哎呀，琴日錯過咗今日去碰下運氣先」；有人則直言「少女問拎5蚊，同大媽問拎5蚊可以爭好遠」。面對「靚唔靚先」的查問，有眼尖網民見微知著，稱「對面個男人眼尾都唔望一下，應該唔係好嘢」。

「少女睡衣黨」逐張睇＋網民零捨精神回應↓↓↓↓

帖文附上1張相片。fb「屯門友」截圖

好心人有好心看法。

網民：5蚊就幫吓人啦。fb「屯門友」截圖

網民：其實有冇諗過人哋真係有需要？fb「屯門友」截圖

網民：幫到就幫。fb「屯門友」截圖

網民：我寧願被騙5港幣。fb「屯門友」截圖

網民：社會搞成這樣。fb「屯門友」截圖

網民：問佢要去邊，幫佢買輕鐵飛，$就唔會畀。fb「屯門友」截圖

網民：叫佢哋去屯門警。fb「屯門友」截圖

網民：報警啦！有手有腳唔去做嘢問人攞錢。fb「屯門友」截圖

網民：呃錢都唔用下個腦，想問你5蚊可以搭乜車。fb「屯門友」截圖

好心地網民：幫到就幫

心軟又好心地的網民則認為「幫到就幫」、「5蚊就幫吓人啦」、「5蚊啫，可能真係有需要呢」、「其實有冇諗過人哋真係有需要？況且就算真係呃你，都係$5啫……人情冷暖」、「我寧願被騙5港幣。如果她們真的需要的話，數量是很少的，但是當需要的時候，卻是非常重要的」。另有人醒目地採這方法「問佢要去邊，幫佢買輕鐵飛，$就唔會畀」。

有人正經地感慨「社會搞成這樣」，建議「報警求助」、「應該同佢報警處理」、「報警啦！有手有腳唔去做嘢問人攞錢」、「叫佢哋去屯門警署」。有人則奇怪「呃錢都唔用下個腦，想問你5蚊可以搭乜車」。