警司陸振中涉非禮女下屬 辯方重提殘廁 女事主情緒激動 哭訴辯方「精神虐待」

沙頭角分區時任指揮官陸振中涉殘廁3度強逼女警口交案，今區院續審。辯方續盤問涉案女警時提起殘廁事件，女警隨即情緒激動，質疑辯方「點解你成日都講殘廁！」，又稱「你係咁精神虐待我呀！」。另外，辯方問起女警為何在翌月飯局打算送被告回家。女警解釋當時沒有想到性侵事件，指被告打算駕駛，「如果你俾佢揸到車出去，撞死人咁點算」，指自己良心「唔會過意得去」、「我要每晚瞌埋眼瞓得着，先係一個好警察」。審訊明續。

性侵事件後仍送醉酒被告 X：撞死人點算？

被告陸振中（43歲）否認於前年6月22及23日，在粉嶺聯和墟街市熟食中心傷殘廁所內3度非禮女子X；及同年7月15日在粉嶺牽晴間停車場危險駕駛、襲擊X及造成身體傷害、蓄意傷害蔡文浩及襲擊賴文顯。

辯方大律師鄭明斌今天盤問時，提及7月15日晚宴後，女事主X、督察蔡文浩及賴文顯嘗試送被告回家。辯方質問，X稱早前曾遭被告侵犯，當時會否感到抗拒或害怕。X解釋沒有想太多，並指被告明顯酒醉，「如果你俾佢揸到車出去，撞死人咁點算？」、「我作為警察，見到警司級嘅人準備做錯事，我係咪可以唔阻止吖？」。

X指辯方大狀對她精神虐待 「你想我唔指證佢之嘛！」

X續稱，自己當刻沒有想起性侵事件，並哽咽道「係人命呀，唔係性侵咁簡單」，自己無法「賠返人命畀人哋」，「我良心唔會過意得去呀成世，我要每晚瞌埋眼瞓得着，先係一個好警察」。X又指的確可以任由被告酒後駕駛，但她「做唔出」。

辯方後續盤問時重提殘廁事件，X隨即情緒激動，質疑辯方「點解你成日都講殘廁！我唔想再講殘廁呀！」，更在庭上哭泣及稱「你想我唔指證佢之嘛！你係咁精神虐待我呀！」暫委法官勞潔儀須一度休庭，讓X平復心情。

案件編號：DCCC137/2023
法庭記者：王仁昌