巴黎奧運丨TVB「豪門駙馬」做旁述！入直播室有呢種生理反應 原來是籃球健將
2024-08-11 23:48 
巴黎奧運男子籃球金牌戰由「東道主」法國對力戰五連霸的美國「夢幻隊」，最終「夢幻隊」以98：87力挫法國，締造奧運5連霸。身為籃球愛好者兼明星籃球隊「HERO」隊長的許家傑，竟然有機會踩入TVB的奧運直播室，坐上主持枱為節目擔任其中一個旁述，搞到許家傑忍不住說：「個心真係一直卜卜卜卜跳，同埋起雞皮！」
相關閱讀：巴黎奧運︱中國女排名將郎平談東奧初見全紅嬋情景：我從來沒看過這麼小的運動員
許家傑踩入奧運直播室「起雞皮」？
這場奧運男子籃球世紀金牌戰在今日（11日）香港時間凌晨三點舉行，由「東道主」法國對力爭五連霸的「夢幻隊」美國，想不到擔任明星籃球隊「HERO」隊長的許家傑，今年有份在TVB《2024巴黎奧運 重點直擊》上，擔任其中一個旁述，齊齊坐上主持枱觀賞今次賽事。節目完結後，許家傑貼上與主持及旁述合照並說：「1.細細個成日睇奧運直播，覺得啲主持好犀利，可以講足成晚。2. 40歲嘅LBJ 身價已經係天文數字，但係仍然會搏到盡，仲勁過啲後生仔（利申 本來唔係特別鍾意LBJ ) 究竟點樣可以做到嘅呢？就係你要好鍾意嗰樣嘢，唔係用金錢去衡量。純粹係一份喜愛。今日真係好開心，可以喺直播同大家一齊睇波，見證住Curry LBJ KD 嘅最後一屆，個心真係一直卜卜卜卜跳同埋起雞皮。多謝鍾志光鍾Sir帶領住，仲有非常之聰明又勤力嘅德德（陳懿德），和藹可親嘅梁國成梁Sir，超級專業嘅Kelvin。呢場波真係好有愛，感恩！」
許家傑第一次做奧運主持成就解鎖
其後許家傑再貼上一段短片，紀錄這一次難忘的經歷，他說：「第一次做奧運主持，可以成就解鎖真係好難忘。 唔知大家有冇食早餐嘅習慣呢？#唔經唔覺講咗3個鐘#有今生無來世#成就解鎖#奧運籃球。」好友陳安立留言：「Proud of u。」許家傑亦有回覆：「我都係做一晚，你做足咁多晚，你先係勁！」想不到連「大小姐」林淑敏亦有捧場，她Cap圖留言說：「連波你都識講！你真係一個全能藝人，畀我實緊張死！波一係入，一係唔入」許家傑笑說：「好開心同大家一齊睇波！」、「唔止送水，吹水都係我強項」
《愛．回家》「送水輝」與「大小姐」恩愛相：
許家傑入行前曾任職核數師
港男出身的許家傑原來入行前曾任職核數師，但他寧願放棄高薪而當演員，不過事業未算一帆風順，許家傑曾表示有一段日子因為「冇工開」，搞到想法十分負面，甚至因收入不多，許家傑有一段日子要借錢度日，連家用都無力支付，直到2017年，許家傑憑處境劇《愛·回家之開心速遞》「宋瑞輝（送水輝）」一角而漸為人認識，跟林淑敏飾演的大小姐這對CP更廣受歡迎，早年與周志文、周志康、翟威廉和羅天宇等多位圈中好友成立HERO籃球隊，希望透過籃球能夠推廣運動和正能量。
其他文章：
愛回家丨「送水輝」一家三口重聚！12歲Philip仔添書生味 網民：就快高過老竇
巴黎奧運丨前體操皇后劉璇解答體操選手用藍色眼影玄機 神還原23年前奪金妝容撞樣張栢芝
巴黎奧運︱國乒一哥馬龍魅力迷倒外籍保安？突被要求做一事 師弟樊振東竟「冇人理」
巴黎奧運︱跳水猛將陳藝文英語能力連媽媽都嚇親？自學得一口流利外語 與澳洲選手密密傾
最新回應