王嘉明一原因拒住深圳移居珠海 月租1.2萬逾千呎香洲區海景單位 100人仔食足3餐︱星級品味
2024-08-09 09:00 
近年港人不但流行北上消費，更有不少人選擇到北上定居甚至退休，當中深圳、福田、廣州等都是港人的熱門選擇。憑《最佳拍檔》出道的「光頭仔」王嘉明，近年因工作中、港、澳三邊走，他指曾經考慮定居深圳及廣州等地，但最終選擇珠海。他自去年起在珠海居住，笑言每月只需5000人民幣（約5406港元）已經享有高質生活：「珠海去澳門好快，返香港1小時，食嘢又平，租金又抵，真係冇得輸！可以做到quality of life！」今次王嘉明接受《星島頭條》訪問，帶大家體驗珠海生活之餘，亦分享在珠海租樓秘訣等。
相關閱讀：跟巨星食勻中山由朝食到晚！ 譚詠麟推介近80年歷史肉丸粥只需¥16丨星級品味
王嘉明推介珠海抵住租盤：
呻深圳頻塞車 珠海交通更便利
現年41歲的王嘉明去年移居珠海，每星期返香港兩至三次，每次都是即日來回。他笑言，其實珠海返港，車程等同新界區出香港區，「其實好快，只不過會攰啲，我覺得珠海個環境係啱我嘅，老實講，我自己住過好多華南區地方，深圳、中山、廣州、珠海，我都住過，深圳都方便，不過比較多車，成日都塞車，我覺得珠海比較適合我住，一來我自己鍾意近海，二來珠海冇咁塞車。」
王嘉明續說：「我近年多了去香港及澳門工作，住珠海近，去澳門同香港都方便，如果我過海，過港島區工作，深圳揸車過去要近兩小時，但我珠海搭船，瞓醒覺一小時就到，我哋直播做到凌晨差不多1點，開埋會差不多兩點先返，揸車好眼瞓，金巴有24小時，我哋屯門做直播，搭過去都好近。」
1.2萬租珠海香洲區海景單位
王嘉明去年以11,000元人民幣（約12,014港元）租住一個一房一廳約1,000呎單位，他指，在珠海物色租盤時主要在市中心的香洲區搵盤，最終決定租住海邊一帶屋苑，「我覺得住喺仁恒最舒服嘅，單位又夠大，又可以望海，位置又方便。」仁恒海濱中心靠近港珠澳大橋及拱北口岸關口，「平時我返香港，如果唔行港珠澳橋就搭船，基本上都只是一個多小時，又唔會塞車，想去邊都絕對方便。」王嘉明現時更計劃接媽媽來珠海一同生活，「睇佢肯唔肯，我就好想，我爸爸又唔喺度喇，畀個機會我同佢一齊住，我後生嘅時候好麻煩，阿媽講一句，我會頂一句，人都到中年，珍惜同屋企人相處嘅時間，我覺得好緊要。」
王嘉明¥100食足一日？
王嘉明挑戰100元花一日
王嘉明形容定居珠海住屋平，飲食方面亦比香港便宜三份一甚至一半。他在受訪當日，全日在飲食方面的消費100人民幣（約108港元）。他先到珠海名店「勝記牛腩」吃沙嗲牛撈麵加一杯凍檸檬茶，只需14.99人民幣（約16.2港元），「牛肉一大兜，香港隨時食呢碗都要四、五十元，好濃嘅沙嗲味，有一粒粒嘅花生，好正！」王嘉明說。
隨後王嘉明前往北山大院，該處小店林立，每間小店都只做一款食物，「呢個地方都幾代表到依家嘅珠海，（啲嘢做得）好專，嚟呢度必食天婦羅，粉漿勁薄，可以食到食材嘅味道。」王嘉明點了天婦羅流心蛋、帶子、蝦及蝦滑，約花了43.1元人民幣（約46.6港元）。其後，他更向記者推介「全珠海最好飲檸檬茶」，他說：「依家嘅價格廿幾蚊一杯，但喺美團叫外賣，每杯可以平近10蚊。」王嘉明在該店點了一杯約23人民幣（約24.9港元）的特濃檸檬茶，形容茶味香濃，相當解渴又好飲。
王嘉明帶你遊珠海：
超市1隻新鮮雞腿只需2.5人民幣
王嘉明讓記者追訪一日，他笑言既然分享了食住行，當然不能不去「買餸」。他到超級市場購買了油麥菜、唐生菜，售價約1.98人民幣（約2.14港元）一斤。其間他看到一盒4件的新鮮雞腿，約售10人民幣（約10.8港元），他笑說：「我諗一斤夠我食啦！100蚊一日點會唔夠用呢？」另外他亦買了香印提子，1斤約售13.8人民幣（約14.92港元），他選購了一包約25.9人民幣（約28港元），笑稱可以食兩日。
王嘉明的100人民幣挑戰，去到最後剩餘5.05元人民幣。而最後一站，他到了「牛大李」吃法式生拌牛肉、A5和牛、芝士焗龍蝦、香煎銀鱈魚、黑松露松茸鵝肝飯及黑松露煙肉大啡菇，人均約800人民幣（約865港元），「好彩最後尾有朋友請食飯，所以我哋今日嘅餘額有5.05人民幣。」
其他文章：
洪永城老婆開箱深圳月子中心！X萬歎度假式坐月套餐 住靚景巨房仲有醫美服務丨星級品味
夏天都可滑雪！明星熱捧廣州全球第二大室內滑雪場 港姐帶七旬父落場盡興 Patrick Sir囝囝玩到唔願走丨星級品味
蔡思貝體驗廣州塔高空漫遊 離地298米玩吊籠懸空踩鋼絲 （附票價＼樂園設施簡介＼地址）丨星級品味
最新回應