江爗生演唱會丨AK尾場邀兄弟Tiger任嘉賓 冇留意Frankie女友「捉鬼」事件 爆笑回應Edan林明禎緋聞：fact check咗未？
2024-07-31 13:16 
MIRROR成員 江爗生（Anson Kong）一連兩場個人演唱會《ANSON KONG "THE GAME OF LIFE" IN MY SIGHT SOLO CONCERT 2024》昨晚（30日）假亞博舉行尾場，MIRROR成員Lokman、Ian、Jeremy、ERROR@Dee及林愷鈴等亦有前來捧場。
一輪跳唱後，AK先向大家打招呼，然後表示好懷念以前在韓國受訓的日子，當時也憧憬在當地出道，但現在也很開心可用香港歌手身份唱歌，然後便唱出韓文歌《Eyes, Nose, Lips》，之後AK與來自日本的高瀨統也合唱，不過他介紹對方時突然爆粗說「say 仆X with me」。AK在演唱會上除了與dancer一起晒舞技外，亦有拿結他邊彈邊唱《金星女孩》，在介紹RubberBand出場時，AK笑言以前參加比賽時也有唱過對方的歌，當時以為自己唱得很好聽，但之後看回比賽片時才發現自己「走音走到出太空」，然後與RB合唱《未來見》。
AK與Tiger及前樂隊ONE PROMISE結他手周天衡彈著結他現身，然後與Tiger兩人合唱《IGNITED》，令全場勁high，AK表示好開心可請到Tiger與結他老師做嘉賓，因為一直很想和他們一起彈結他，今日終於完成，而Tiger亦大讚AK的狀態是巔峰，AK即笑言：「暫時係，希望有機會超越。」AK指Tiger為了做他的嘉賓，刻意將頭染金。Tiger在唱出《ALRIGHT》前就自嘲最近沒出歌，所以該曲算是新歌，又謂很開心AK會請他擔任嘉賓，因為他知道這個舞台對AK來說十分重要及珍貴，所以有幸參與感到光榮，而他又謂雖然AK知道要開騷時感到緊張，但自己從沒擔心AK是否做到：「因為佢係我心目中係頂得起好多嘢嘅人，好勁，內心深深欣賞江爗生！」
演唱會尾聲，AK感性表示要多謝身邊一班好好的隊友：「喺我最亂嘅時候撥亂反正，知道有時我好百厭，俾好多麻煩大家，多謝大家一直咁愛我對我咁好。」AK又感恩可以繼續為自己鍾意的事情打拼。而唱《信之卷》前，AK表示這幾日香港有好多好事發生：「好熱血，希望大家相信自己嘅夢想，堅持做自己想做嘅事情，信自己。」完場後觀眾不肯離場，再上台AK大叫：「冇歌啦！唱晒啦有嘅歌已經，真係冇，我都好想encore！聽日星期三要返工，一陣出去冇車！」他又笑言昨晚有人看演唱會時看張家朗，他笑言看對方就OK，但C朗就不OK，之後又指根據隊友的encore環節，可以唱不同版本，最後他再一次唱出《金星女孩》。
完騷後，AK受訪時表示因為今次演唱會在跳舞方面很多高難度動作，消耗大所以瘦了很多，更曾經低到剩125、126磅，令父母擔心，幸好騷前去做健身才升回130磅，現在完騷後應該會調理身體。問他是否想挑戰或取代郭富城？AK說：「唔敢講，係尊重同致敬，今次都好開心跳到兒時偶像MJ同郭富城嘅歌，（有信心接棒？）唔敢咁諗，盡力，希望可以成為另一個對舞台有感覺嘅跳唱歌手，對於他剛才在台上講「仆X」，問他是否教高瀨統也講粗口？AK笑說：「冇，應該係錯音，我癲極都唔會犯啲咁嘅錯誤。」至於是否有請隊友陳瑞輝（Frankie）來睇騷？他指每個兄弟開騷，公司也會在群組問誰會來看，但自己沒有理會，所以誰人來看也不知道，至於有沒有請跟他傳緋聞的沈殷怡？他說：「大家同公司，自己解決。（咁你請咗咩人？）屋企人同90幾歲嘅婆婆，婆婆睇完第一場好開心，本來想請埋公公，不過佢最近身體唔太好。」
「林明禎係大家嘅女神」
提到Frankie剛在本月29日36歲生日，AK指有跟對方講生日快樂，但沒有特登問他與女友是否來睇騷，對於Frankie女友Christy以長文反擊黑歷史，更表示與男友設局捉「鬼」，AK說：「而家講先知，我冇睇到，淨係知張家朗攞金牌，（覺唔覺得被拖落水？）呢件事唔再評論，始終都唔關我事，我呢幾日真係好專心準備個騷，乜都冇睇過。」對於Christy指有人想整死MIRROR與男友Frankie，AK說：「我真係唔知喎，冇話死唔死，人未死大把路行，慢慢繼續做自己鍾意做嘅嘢。（估唔估到邊個係鬼？）真係唔知，答你唔到。」AK透露騷後會有1、2日假期，之後便會開始做MIRROR及小隊的工作，至於個人方面今年內暫沒有安排，只會為剛推出的新歌拍MV。
另外，近日呂爵安（Edan）與林明禎傳緋聞，AK聽後即好大反應，更反問：「我哋個Edan？林明禎？Are you sure？（做乜咁大反應？）fact check咗未？林明禎喎！（你女神？）大家嘅女神，我唔知喎，問吓，下次見到再話你哋知，（係咪好羨慕？）冇呀！」
最新回應