林穎嫺否認被星爺力追：我哋好天真無邪 大爆陳年TVB拍劇往事常被警告丨獨家

56歲林穎嫺（Wing）是1987年港姐季軍兼「最上鏡小姐」，跟邱淑貞及郭富城等曾是TVB「銀河十星」被力捧。近日她返港快閃宣傳新書《如何活出燦爛人生》，大方揭開埋藏心底35年的鬱結，如當年被屈大肚出走的真相；又首爆跟周星馳的一段天真無邪純友誼！問到有否被星爺力追？她即笑一笑，以一句「佢好人啫！」作回應，好耐人尋味。採訪：方騫平

林穎嫺最新著作記錄過去30多年的人生經歷。

3子女陪她返港。

阿Wing仲有鐵粉。

簽名會上與fans合照。

帶埋家人探訪毛孩。

新書收益會撥捐毛守救援。

56歲嘅林穎嫺出寫人生經歷。

新書阿Wing親自撰寫。

林穎嫺繼12年前出過《育兒成功秘笈》後，最新著作分享過去30多年來的經歷，由參選港姐，到美國生活點滴及如何教育小朋友讀到名牌大學，甚至Share理財心得。出身於史上最高質一屆港姐， 冠亞軍分別是楊寶玲及李美鳳，林穎嫺在兩年間成為多套劇集女一，不過，她突然於事業黃金期到美國攻讀會計，其後每年暑假返港還劇債，至1994年提前解約到美國定居，之後結婚生子。

1987年被喻為最高質一屆港姐，三甲分別係楊寶玲、李美鳳、林穎嫺。

87港姐佳麗除Wing仲有邱淑貞(左1)、黃鶯(中 )。

阿Wing當年獲傳媒及評判歡心。

得獎實至名歸。

代表香港出戰《國際小姐》。

代表香港出戰《國際小姐》嘅古裝造型。

林穎嫺、楊寶玲仍常聯絡。

兩人感情好好。

喺美國不時會見面。

林穎嫺、李綺虹都係港姐過埠新娘。

下嫁美籍丈夫育有3子女的Wing，嫁雞隨雞定居美國。

溫馨一家。

Wing3子女好可愛。

混血bb超cute。

Wing選擇留美相夫教子。

Wing唔介意做肥師奶。

一家人好有愛。

美國屋企好大。

林穎嫺帶子女來港觀光。

此行來去匆匆。

最新著作由參選港姐，寫到美國生活點滴及如何教育小朋友讀到名牌大學，甚至Share理財心得。。

12年前Wing返港宣傳《育兒成功秘笈》，獲鄭伊健撐場。

12年前著作。

傳大肚出走美國

重提35年前急赴美往事，承認求學決定倉卒的阿Wing仍耿耿於懷，「當年雖然公司力捧劇接劇，但心繫繼續升學，尤其成為港姐後發覺溝通能力唔夠。1989年2月去美國三藩市探朋友時順道探路，City College臨時放寬入學條件，6月通知已獲取錄，畀齊資料可以8月入學。收到校方通知嗰刻真係呆咗，處人生交叉點，明知自己唔會有時間考返TOEFL(Ibt)，機會真係萬中無一，反正得19歲咁後生咪去試吓囉，讀唔成書最多回歸。」但為怕衍生枝節，阿Wing至離港前才同一時間通知公司及家人，「記得喺新劇造型上公開交代要離港，惹來謠言滿天飛，傳我走得咁急因為『有咗』，當時覺得清者自清，冇作出回應。」阿Wing承認當時在美國的確有男友，不過好快分手。

Wing畢業於南加州大學會計系。

Wing學有所成。

同星爺已冇聯絡

提到7年的拍劇生涯，阿Wing稱跟周星馳有好多難忘片段，「我同星仔識於微時，老友鬼鬼，叫星爺反而好唔習慣。」她笑言最回味拍劇時捱餓搞到胃痛，收工後星仔陪她入院兼送她返家的往事。問到當時是否被周星馳力追？她即說：「佢好人啫，佢好nice，對個個都好嘅…而且當年我套套劇都係女主角，朝朝開0630瞓都冇得瞓，食飯都冇時間啦，點會拍拖？嗰個用Call機年代，喺荒野拍外景連講電話都冇機會啦。」阿Wing再強調，跟星仔年紀差不多，特別投契：「嗰時年紀細天真無邪，一齊去玩，真係冇乜避忌，好記得我哋一走埋就係咁笑，拍鬼戲《陰陽界》時見啲人跳跳吓就笑餐死，佢笑人哋；我就笑佢，最後俾導演鬧爆，警告我哋『唔好再笑，再笑就拍唔到』」而阿Wing跟上晒神枱的星爺已冇聯絡：「好耐冇聽到佢嘅消息，最重要個個都身體健康。」

林穎嫺跟周星馳曾主演TVB電視電影《陰陽界》。

林穎嫺否認俾周星馳力追。

兩人老友鬼鬼。

錯失特朗普集會

育有3子女的阿Wing已仔大女大，問到會否如同屆港姐張鳳妮復出拍劇就要睇機緣：「諗返轉頭真係懵懵地，年輕勇字當頭，完全冇考量過後果，簽咗10年長約，如果公司唔肯放人點算好？亦傻到完成City College後只報讀南加洲大學，冇後備方案。」阿Wing冇後悔最紅時期去求學：「𠵱家擴闊咗社交圈子，除演藝圈外仲有政商界朋友，原先獲邀出席特朗普嘅競選集會，惜同香港書展撞期去唔到。」

着兩件頭泳衣嘅林穎嫺，當年迷死好多少男。

拍第2套劇《奉旨成親》已擢升女一。

當年跟郭富城同是「銀河十星」被力捧。

1988年唱賀年歌。

Wing和「開心少女組」袁潔瑩、陳加玲、黎姿、羅明珠等拍過電影《飛躍羚羊》。

林穎嫺曾跟王書麒結戲緣。

跟邵仲衡、廖啟智、陳敏兒拍《大都會》。

處境劇《小小大丈夫》。

和處境劇《小小大丈夫》演員聚舊。

1988年林穎嫻跟劇集《當代男兒》演員黃澤鋒、萬梓良、張衛健歡聚。

林穎嫺、張鳳妮係同屆港姐佳麗。