原來視咁的│ 「劍擊世一」江旻憓真情流露又喊又笑 何振然爭取奪金後首個專訪 隔空可愛互動

有「劍擊女神」之稱的江旻憓，於28日凌晨在重劍決賽中面對法國選手時，成功反敗為勝，為香港爭奪首面巴黎奧運金牌。身處巴黎的無綫奧運採訪隊，隨着江旻憓（Vivian）殺入女子重劍Final、奪金呼聲高企後，台前幕後即作出即時部署，結果TVB奧運特派專員何振然最終成功抓緊時機，第一時間爭取了Vivian奪金後第一個訪問！

由於是奪金後首個訪問，Vivian全程真情流露，一邊受訪、一邊忍不住流下開心的眼淚說：「我仲係唔相信，我唔知講咩，我每日起身都話畀自己知唔係今日比賽，到今日終於比賽喇，我好驚聽日起身又要比多次賽。」談到3年前8強止步忍不住灑淚，江旻憓又笑又喊謂：「我諗3年前我係話我唔要輸咗喊，因為我要贏咗先喊，所以我𠵱家要喊晒出嚟。好多謝我團隊好多人支持我，我次次輸係輸我自己做得唔好，所以我好對唔住大家，今次我終於冇做得唔好喇。」

江旻憓奪金後第一時間接受TVB訪問，期間她感動落淚。

又向鏡頭說出心底話：「今次終於冇做得唔好喇！」

一邊受訪、一邊忍不住流下開心的眼淚

何振然還成功邀請到Vivian教練Octavian-Petru Zidaru（Tavi）訪問

　　膝頭哥先後動過兩次手術的Vivian，原來今次於奧運比賽前1個月，因為膝頭哥又受傷，一度連進攻都「打唔到」，如今Vivian不但能克服膝頭傷患問題，更勵志地奪得奧運金牌，難怪她大叫感恩：「我覺得所有壓力都唔係咩，只要可以享受到比賽，可以打到畀大家睇，我就好感恩。」並按何振然要求向在香港支持自己的觀眾及隊友打招呼：「你哋係咪起咗身睇我呀？辛苦晒你哋，希望你哋可以瞓覺呀。」相當sweet。

身為Vivian隊友的Coco，也為她開心至眼紅紅。

二人在頒獎禮後連線交談。

Coco向Vivian俾心祝賀奪金成功。

Vivian即狂派飛吻，可以二人確是十分老友。

與隊友分享喜悅
　　身為Vivian隊友兼為無綫專業評述的連翊希（Coco），在錄影廠直擊Vivian奪冠後心情大為興奮兼感動，在頒獎禮後，Coco即時與Vivian隔空連線，再度感動到眼濕濕的Coco問Vivian有否enjoy比賽， Vivian竟sweet爆向Coco笑言：「場地係你鍾意嘅紫色，好靚呀！」之後Coco問回到選手村第一件事會做甚麼？Vivian可愛地說：「我要食士多啤梨！」𠱁得Coco笑逐顏開，錄影廠其他主持則同聲讚Coco了解Vivian：「估中晒！」Vivian則說：「好多謝你送畀我嘅士多啤梨花同埋祝福。」Vivian說罷對着鏡頭狂派飛吻，Coco則以心心手勢回敬，畫面十分有愛。