TVB御用惡人彭皓鋒直腸癌3期常有便意影響生活 見證癌母經歷怕做化療：一做就走咗丨專訪

現年53歲的「TVB御用惡人」彭皓鋒去年7月證實患上直腸癌第3期，直腸內有一個約5厘米的腫瘤，因位置接近肛門，假如接受切除腫瘤手術的話，很大機會終身背著造口袋！一度停工休養的彭皓鋒，小休過後再度出發，雖然目前與腫瘤並存，不過精神狀態基本上分別不大，剛剛在馬來西亞拍劇回來的彭皓鋒接受《星島頭條》專訪，坦言今次行程令他「諗通咗一樣嘢」！

相關閱讀：53歲TVB惡人患直腸癌腫瘤忽大忽細暫拒開刀！由便秘變每日X次便意 肚瀉竟是先兆

患癌彭皓鋒透露最新身體狀況：

彭皓鋒初入行曾客串演出劇集《真情》。

彭皓鋒初入行曾客串演出劇集《真情》。

彭皓鋒（左一）曾跟少年謝霆鋒做對手戲。

2012年播出的《太大監》與米雪合作，其後離巢。

《衛子夫》是彭皓鋒事業的轉捩點。

彭皓鋒在2017年憑《破冰》，奪《加拿大金楓葉國際電影節》網絡電影組別「最佳男主角」。

彭皓鋒在2017年憑《破冰》，奪《加拿大金楓葉國際電影節》網絡電影組別「最佳男主角」。

訪問當日，彭皓鋒剛由馬來西亞拍劇回來，他獨自一人精神抖擻的到達訪問地點。

假如沒有看過近日關於彭皓鋒患癌的報道，實在很難想像他確診了直腸癌第3期。

一度停工休養的彭皓鋒，小休過後再度出發。

自從患癌消息曝光後，彭皓鋒突然間多人認識。

彭皓鋒吃得很清淡。

彭皓鋒今次去馬來西亞拍劇，在短短的4天，竟然令他「諗通咗一樣嘢」。

原來受腫瘤影響，彭皓鋒在日常生活不斷有signal要去厠所。

不過今次在馬來西亞拍劇期間，彭皓鋒竟然減少去洗手間的次數。

彭皓鋒演出完《衛子夫》，令事業上有大轉變。

彭皓鋒演出完《衛子夫》，令事業上有大轉變。

彭皓鋒演出完《衛子夫》，令事業上有大轉變。

彭皓鋒演出完《衛子夫》，令事業上有大轉變。

彭皓鋒演出完《衛子夫》，令事業上有大轉變。

彭皓鋒演出完《衛子夫》，令事業上有大轉變。

彭皓鋒演出完《衛子夫》後，拍攝很多內地作品。

近年亦拍攝很多內地作品。

2020年拍《戰毒》的「太子哥」深入民心。

彭皓鋒曾演出劇集《戰毒》。

彭皓鋒曾演出劇集《戰毒》。

彭皓鋒曾演出劇集《戰毒》。

彭皓鋒曾演出劇集《戰毒》。

彭皓鋒曾演出TVB劇集《解決師》。

彭皓鋒曾演出TVB劇集《解決師》。

彭皓鋒曾演出TVB劇集《解決師》。

彭皓鋒曾演出TVB劇集《解決師》。

彭皓鋒曾演出TVB劇集《解決師》。

彭皓鋒曾演出TVB劇集《解決師》。

於內地拍《黑金風暴》做反派，演得相當出色。

彭皓鋒經常扮演反派角色。

彭皓鋒（後排左二）保持正能量，早前便與好友李天翔、寶珮如、葉凱茵及喬寶寶等，為「黑妹」李麗霞慶生。

訪問當日，彭皓鋒剛由馬來西亞拍劇回來，他獨自一人精神抖擻的到達訪問地點，假如沒有看過近日關於他患癌的報道，實在很難想像他確診了直腸癌第3期，目前仍在治療中！彭皓鋒坐下不久，便急不及待想分享一個經歷：「嗰啲心態係好重要，唔好一嚟就覺得自己搞唔掂，而家好多人話cancer搞唔到，但係咪一定會有事呢？又或者係咪睇完一定會冇事呢？其實唔會，呢樣嘢係唔知，係經驗問題，我阿媽之前都有cancer，佢最初係喉癌，電療之後好番，隔咗幾個月又話復發，擴散咗去肺，跟住一做化療做走咗，所以係我一路冇做化療嘅原因。」彭皓鋒又說：「而家我嘅腫瘤係細咗，叫做好轉，我係咪用而家嘅方法keep住去維持呢？呢個都係一個選擇，我唔係唔信西醫，而係驚我自己嘅體質未必可以接受化療，當然可能而家嘅化療藥係好咗，我排咗期去做。」

彭皓鋒受腫瘤影響頻去廁所

彭皓鋒今次去馬來西亞拍劇，在短短的4天，竟然令他「諗通咗一樣嘢」，他說：「平時我坐喺度1、2個鐘就想去廁所，但係今次我去到馬拉，化完妝出發之前去一次厠所，直到食晏嘅時候先再去，跟住到5、6點收工前都唔使去， 可能我成日記啲對白，個人嘅專注力去咗第二度，唔會諗住要去廁所。」原來受腫瘤影響，彭皓鋒在日常生活不斷有signal要去廁所，他說：「因為越近肛門就係咁樣，分辨唔到係腫瘤定係大便，只係話畀你知嗰度有嚿嘢喺度，所以呢個係我分享嘅小小經驗，我唔知有冇用，平日唔好當自己好辛苦，你個人搵啲嘢寄托，乜嘢都好，打機又好，搵啲嘢寫下都好，打麻雀都好，畀個腦去諗下第二啲嘢，唔好畀個signal影響，好似我而家要成日去廁所，每日差唔多去10次廁所，如果喺屋企，我可能成日要擺住廁所，雖然係有得去，但係唔多，每次只係去少少，我，但係喺馬拉拍戲點解咁奇怪唔使去呢？呢個可能係思路問題，因為要記對白，不停咁去諗，唔知關唔關事，但係都係一個體會。」

彭皓鋒樂觀面對病魔

自從患癌消息曝光後，彭皓鋒突然間多人認識，除了有傳媒邀請訪問外，連出街都有不少人問候，他說：「雖然我唔想講嚟講去都係關於患癌嘅嘢，但係諗深一層，宣揚啲正能量係好，我試過拜神嗰陣有人叫加油，去覆診又有的士佬車過嚟話加油，講真有病又好、冇病都好，最緊要係開開心心，做人意義都係咁樣，日日搵錢好辛苦，都要搵嘢令自己開心。好似而家我咁嘅情況，你當佢冇得醫，我日日喺度擔心，用咩方法搞好佢？咁我咪日日喺度愁？ 咁不如開心啲，我有老婆仔女，不如同佢哋開開心心，就算我走咗，佢哋都有啲開心嘅回憶，而唔係對住個老竇，覺得佢好慘，又有病，又要愁家用。我而家知道自己體力上係乜嘢狀況而去接嘢做，我之前嗰一年都可以，但係因為屋企人擔心，驚我太操勞，我而家嘅體力係冇之前咁好，我開完工會好攰，咪返去酒店就攤咗喺度，唞夠第二日就開工，本來都諗過慢慢操返自己，好似試過去跑步，但係跑幾步又急急地，唯有慢慢行。」

彭皓鋒與家姐彭家麗互相扶持：

彭皓鋒為彭家麗胞弟，兩姊弟感情很好。

彭皓鋒也有上《流行經典50年》獻唱。

黑妹去年搞慈善音樂會，感謝所有朋友支持。

音樂會上，彭家麗細佬彭皓鋒上台獻唱時，就突然自爆患上直腸癌。

彭家麗坦言得知細佬患癌後心情不舒服。

為細佬到處找醫生朋友。

彭皓鋒透露患上直腸癌是2-3期。

彭皓鋒稱原本預計想接受手術，但因有朋友試過用斷食治療後抗癌成功，故也嘗試此療法。

幸好經濟方面得到家人支持。

一家五口生活幸福。

彭皓鋒稱太太獲悉他患上直腸癌後，終日以淚洗臉。

三子女年紀尚輕。

彭皓鋒積極面對。

與太太互相扶持。

去年聖誕都有放閃。

感恩有太太在身邊。

彭皓鋒經常一家五口周圍去。

彭皓鋒經常一家五口周圍去。

彭皓鋒經常一家五口周圍去。

彭皓鋒經常一家五口周圍去。

彭皓鋒仍有不少演出。

彭皓鋒仍有不少演出。

彭皓鋒仍有不少演出。

彭皓鋒出席朋友聚會。

彭皓鋒出席朋友聚會。

彭皓鋒積極面對疾病。

彭皓鋒積極面對疾病。

彭皓鋒積極面對疾病。

彭皓鋒積極面對疾病。

 

眼前的彭皓鋒與螢幕上窮兇極惡、為利益可不擇手段、積極進取的角色形象不同，鏡頭後很多事情都「睇得好開」，彭皓鋒淡淡然地說：「做人諗太多冇意思，個天其實有安排，嗰陣離開TVB，冇埋HKTV，個個都以為我搞唔掂，我感受咗好多人生百態，感受到人嘅現實。我離開TVB之後去咗HKTV，點知發唔到牌，其實我係第一個走，我嗰份經理人合約係00001，係第一批開荒牛，但係我都係公司同藝人第一個講搞唔掂嘅人，嗰陣未講話個牌係出唔到，我份約係2月尾完，但係佢哋係6月公布批唔批。」彭皓鋒過檔後工作量大減：「我一年只係做咗5個騷，去到第9個月，嗰陣因為經理人走咗，咁我咪同公司其他人聯絡，點知佢哋唔知原來我有經理人合約，跟住仲話過年之前啲角色已經安排好，未必『攝』到我入去，仲叫我自己上去睇吓搲唔搲到個角色嚟做，又話要搵吓我份合約究竟係點樣。」

彭皓鋒獲HKTV知會否不獲發牌要減薪

經過一星期的研究後，彭皓鋒終於得到公司的回覆：「佢哋話原來我真係有經理人合約，本來話安排過年後嘅工作，點知1月就話我哋個牌應該出唔到，要CUT2/3人工，咁我就話唔好傾喇，唔使養屋企咩？嗰陣好多人話返唔到TVB，咁我咪喺度捱，有一日send個message畀黑妹姐，問吓佢有冇啲騷可以帶埋去做，佢二話不說就叫我出去傾，佢真係好好，去邊都預埋我，有陣時啲騷仲係佢自己拎錢嚟錢畀返啲車馬費我哋，真係冇人會咁樣做，所以一路好多謝佢，到三個月後小青姐（梅小青）就搵我拍《衛子夫》，識咗啲內地製作人，慢慢咪喺內地發展。不過都多謝嗰個經理人，如果唔係佢，未必可以捱到今時今日。」

彭皓鋒不覺人生有起跌

彭皓鋒這一次是人生的一大轉變，但他不覺得自己的人生有起跌，他笑說：「我都冇起過，又點會跌？有陣時啲嘢諗嚟做乜？係幫唔到，唔係你諗就得，真係要隨緣，你紅唔紅唔紅，人哋畀唔畀機會，唔係我想就得，都要睇監製、老闆鍾唔鍾意你，導演拍嗰陣有冇唔舒服，就算嗰啲人鍾意你，但係套戲唔爆，又或者爆完冇嘢跟尾，咪又係冇用，我以前未有cancer嗰陣都係咁諗，但係嗰陣啲人話我灰，其實只不過係有啲嘢你預計咗，但係控制唔到咪放低佢，而家多咗個cancer，咪覺得好似好正能量。」

彭皓鋒深信會康復

目前患癌的彭皓鋒仍在觀察階段，他表示：「喺我角度唔會諗住係拖囉，我會諗醫緊，會醫返好，啱啱發現嗰陣，老婆叫我乜都試吓，但係我覺得試得就要信，唔可以一次就搞掂，都要啲時間我，我啱啱做完檢查，初初發現係5點幾cm，都大㗎！之後一月份去check 8點幾cm，但啱啱又check一次，就落返去7cm，我都排咗期會去做化療同手術。」至於目前的財狀況，彭皓鋒說：「冇諗過，暫時係有幾多用幾多，支持唔到咪食少啲，睇醫生冇計，唔諗咪唔煩，唔夠錢咪唔睇住，演員又被動，我又唔紅，拍一部可能只係捱到2、3個月，咁我咪有得拍咪拍，有得唱咪唱，好多嘢唔係我控制，仲有能力捱到咪去囉，我嘅本份係話畀人知我仲接到嘢，仲開到工，接到咪開心，接唔到都冇辦法。」

攝影：朱偉彥

場地提供：Dazzling Cafe (The ONE)

 

其他文章：

盧惠光商天娥等群星為一人慶生！患癌「御用惡人」攜妻到賀 腫瘤近肛門恐要開造口

TVB「御用惡人」彭皓鋒驚爆患直腸癌 接受斷食治療法延後原訂11月手術

TVB御用惡人彭皓鋒患直腸癌近照曝光！積極醫治仍想開工 與藝人好友聚首做一事