星8卦丨「妹妹」誤信「發姣」可以搵快錢當「經理人」無到認真忘本

當日「經理人」見「妹妹」未夠秤，加埋見到佢啲屋企人唔對路，見錢開眼，總係用啲方法幫佢儲起啲錢，等將來可以有得用下。但唔知乜原因，畀「妹妹」搭上咗「發姣」，因為北上要靠佢帶路，而事實喺好短時間內，「妹妹」係搵到個錢，加埋嗰堆貪錢怪屋企人，直情覺得成個金山係面前，唔搵就笨。

相關閱讀：星8卦丨「小天后」體弱得怪病 「威威」拚命三郎搵錢伴妻打硬仗

「發姣」成日都同「妹妹」講錢唔搵得快就無，千祈唔好同「經理人」癲，呢個世界唔再講感情，如果你唔係紅，仲有邊個啋你吖！洗腦洗得多「妹妹」已經唔知乜嘢叫忘本，淨係知道再畀張合約控制唔會有運行，於是搵屋企人成日同「經理人」講數，又要唔準遲出糧，「經理人」冇晒偈，將苦況同公司反映，公司惟有照做，明白好心無好報。

而家「妹妹」決定跟「發姣」搵食，亦睇唔起呢個地方搵唔到錢，因為有更大茶飯係面前，但佢唔知「發姣」其實個名都唔係太好，機會係咪真係有咁多，就要祝佢好運，路係要睇長遠啲，「妹妹」咁急財，希望唔好亂咁簽，只怕下一站唔見得比上一站好㗎！

其他文章：

星8卦丨「阿俊」被力捧成為財神爺衰爛賭遭封殺死不悔改

星8卦丨「人妻」離婚為復出鋪路 信錯經理人爆錯料有排衰

星8卦丨「專業」花心亂媾仔 追唔掂「少爺」搞鬼自取其辱

星8卦丨「姐姐」難忘初戀借錢助度難關 難得老公明理作支持

星8卦丨「男主角」唔鍾意出街 賴老婆妻管嚴扮無奈小男人

星8卦丨「才女」最愛人夫 遇「激進」大打出手嚇到「大哥」「才子」避走