韓子亮望力推好作品打造新形象重新做人 戀戀不捨自資出歌再戰樂壇
2024-07-16 05:28 
時隔兩年，32歲韓子亮(TL)重返樂壇即將推出新歌《單戀》，新歌講述單戀一個人嘅愛情故事，亦係唱出TL 一段8個月嘅愛情經歷，回想呢段戀情，TL相當痛心：「我一直明戀佢，佢都有做啲曖昧嘅事情，我哋會好似情侶咁拖手行街、食飯、睇戲，雖然最後只係煲『冇米粥』令我好傷心，但就變咗靈感泉源，寫咗一首作品。」今次TL更請來曾係童星的唐子輝復出拍MV。
TL繼兩年前作品《CUZ I'M TL》後再出單曲，TL眼見2018 年推出《Party With TL》被瘋傳，𠵱家喺Youtube累積超過70萬點擊率，儘使近年較低調，但仍然對樂壇好留戀，好想再搶高峰：「之前趁空檔做運動、練舞、學唱歌嚟裝備自己，𠵱家轉做獨立歌手自資出歌，更要處理埋幕後嘅事，係會比較辛苦，但學懂成長，會更加珍惜演出機會。」TL希望新歌能令聽眾記返佢係一位歌手，藉住好歌淡化過往佢一啲唔好嘅記憶。
最新回應